នាយករដ្ឋមន្រ្តី ត្រូវការស្ពាន៣ទៀតយ៉ាងតិច

2018-02-09 02:27:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្លែងក្នុងពិធីបើកការដ្ឋានស្ពានឆ្លងទន្លេមេគង្គ ស្ទឹងត្រង់-ក្រូចឆ្មារនៅព្រឹកនេះ សម្តេចនាយករដ្ឋមន្រ្តី ហ៊ុន សែន បានបញ្ជាក់ថា ស្ពានស្ទឹងត្រង់-ក្រូចឆ្មារនេះ មិនមែនជាស្ពានទី៨ ចុងក្រោយគេ ដែលជាហិរញ្ញប្បទានរបស់ចិននោះទេ គឺសម្តេចត្រូវការស្ពានចំនួន ៣ទៀតយ៉ាងតិច ដើម្បីដំណើរការក្នុងដំណាក់កាលអភិវឌ្ឍន៍នេះ។

ស្ពានសេកុង នៅខេត្តស្ទឹងត្រែង

ស្ពានទាំង៣នោះរួមមាន៖ ទី១. ពីខេត្តក្រចេះទៅខេត្តកំពង់ធំ ទី២. ពីជ្រោយចង្វារ ទៅស្វាយជ្រំ ទី៣. ពីក្ដីតាកុយ ទៅត្រើយម្ខាងផ្សេងទៀត។

សូមរំលឹកថា ក្នុងពិធីសម្ពោធដាក់ឲ្យប្រើប្រាស់ស្ពានជ្រោយចង្វារទី២ ជាផ្លូវការ កាលពីតុលា ឆ្នាំ២០១៥ សម្តេច ហ៊ុន សែន បានប្រកាសនូវគម្រោងសាងសង់ស្ពានចំនួន ២ ទៀតឆ្លងកាត់ទន្លេមេគង្គគឺស្ថិតក្នុងតំបន់ជ្រោយចង្វាររាជធានីភ្នំពេញ និងតំបន់អរិយក្សត្រ ខេត្តកណ្តាលដែលគម្រោងនេះកំពុងត្រូវបានក្រុមហ៊ុនចិនធ្វើការសិក្សាពីផលប៉ះពាល់។

ស្ពានជ្រោយចង្វារទី២ (ស្ពានមិត្តភាព កម្ពុជា-ចិន)

ទីតាំងដែលស្ថិតនៅក្នុងការសិក្សាគម្រោងសង់ស្ពានទាំងទី២នេះ គឺទី១ ស្ថិតនៅចំណុចសង្កាត់ជ្រោយចង្វារ ខណ្ឌជ្រោយចង្វារ ឆ្លងកាត់ទន្លេមេគង្គលើ ទៅឃុំស្វាយជ្រំ ស្រុកខ្សាច់កណ្ដាល ខេត្តកណ្ដាល និងទីតាំង១ទៀត ស្ថិតនៅចំណុចភូមិក្ដីតាកុយ សង្កាត់ព្រែកឯង ខណ្ឌច្បារអំពៅ ឆ្លងកាត់ទន្លេមេគង្គក្រោម ទៅឃុំអរិយក្សត្រ ស្រុកល្វាឯម ខេត្តកណ្ដាល៕

អត្ថបទ៖ សំភី