ទូក កាណូត នឹងត្រូវដាក់ឲ្យដឹកភ្ញៀវទេសចរ ចូលរួមបុណ្យទន្លេឆ្នាំនេះ

2018-03-06 02:13:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការណែនាំរបស់ក្រសួងទេសចរណ៍ ក្នុងពិធីបុណ្យទន្លេលើកទី៤ នៅក្រុងតាខ្មៅ ចាប់ពីថ្ងៃទី៩ ដល់ ១២ ខែមីនា ឆ្នាំ២០១៨ ខាងមុខនេះ លេខាធិការដ្ឋាន និងអនុគណៈកម្មការ ដែលរៀបចំពិធី នឹងដាក់ឲ្យមានទូកកាណូត ដឹកភ្ញៀវទេសចរទៅចូលរួមពិធីបុណ្យទន្លេ។

សេចក្ដីណែនាំនេះ ត្រូវធ្វើឡើងក្នុងកិច្ចប្រជុំត្រួតពិនិត្យការងារចុងក្រោយ នូវការរៀបចំបុណ្យទន្លេលើកទី៤ នៅសាលាខេត្តកណ្ដាល កាលពីថ្ងៃទី៤ ខែមីនា ឆ្នាំ២០១៨ ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ និងលោក ម៉ៅ ភិរុណ អភិបាលខេត្តកណ្ដាល។

ក្រសួងបានណែនាំឲ្យមានការរៀបចំប្រព័ន្ធការពារសុវត្ថិភាព សណ្ដាប់ធ្នាប់សាធារណៈ និង ការបញ្ចៀសនិងកាត់បន្ថយបញ្ហាកកស្ទះចរាចរណ៍ ដោយតម្រូវឲ្យមានការដឹកជញ្ជូនភ្ញៀវទេសចរតាមផ្លូវទឹក និងផ្លូវវាងនៅត្រើយម្ខាង (សង្កាត់ព្រែកថ្មី ខណ្ឌច្បារអំពៅ។

សូមជម្រាបថា ពិធីបុណ្យទន្លេលើកទី៤ឆ្នាំនេះ ត្រូវរំពឹងថា នឹងទទួលបានភ្ញៀវទេសចរចូលរួមទស្សនាជាង ១លាននាក់។ ក្នុងនោះក៏មានការតុបតែងរចនាលម្អនៅតាមគេហដ្ឋានរបស់ប្រជាពលរដ្ឋ និងដងផ្លូវ ការតាំងពិព័រណ៍លក់ផលិតផលក្នុងស្រុក ការសម្ដែងសិល្បៈចម្រុះ សិល្បៈវប្បធម៌ ផ្ទាំងទស្សនីយភាពនានាទាំងនៅលើគោក និងនៅលើទឹក៕

អត្ថបទ៖ លាភ.