អ្នកដែលចង់កែតម្រូវទិន្នន័យអត្តសញ្ញាណ អាចទៅទីតាំង២នេះបាន

2018-03-07 02:08:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ បានជូនដំណឹងដល់សាធារណជន ដែលមានបំណងស្នើសុំកែតម្រូវ ឬធ្វើមោឃភាពទិន្នន័យនៃបញ្ជីអត្រានុកូលដ្ឋានសាមីខ្លួន ឬអាណាព្យាបាល ឬញាតិដែលរស់នៅក្នុងផ្ទះជាមួយ អាចទៅដាក់ពាក្យស្នើសុំកែតម្រូវ ឬមោឃភាពទិន្នន័យអត្រានុកូលដ្ឋានរបស់ខ្លួន អាចទៅកាន់ទីតាំងចំនួន២ដូចខាងក្រោម។

១. នាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ដែលមានអាស័យដ្ឋាននៅផ្លូវជាតិលេខ១ សង្កាត់និរោធ ខណ្ឌច្បារអំពៅ រាជធានីភ្នំពេញ (ទល់មុខបុរីប៉េងហួត បឹងស្នោរ)។

២. សាលាក្រុង ស្រុក ខណ្ឌ នៃទីតាំងដែលបញ្ជីអត្រានុកូលដ្ឋានរបស់សាមីខ្លួនបាននឹងកំពុងរក្សាទុក។

ការជូនដំណឹងនេះ គឺដើម្បីជួយសម្រួលដល់ប្រជាពលរដ្ឋដែលកំពុងជួបប្រទះបញ្ហាខុសទិន្នន័យអត្តសញ្ញាណរបស់ខ្លួននៅក្នុងបញ្ជី និងសំបុត្រអត្រានុកូលដ្ឋាន ជាមួយឯកសារអត្តសញ្ញាណដទៃទៀត។ នេះបើការបញ្ជាក់របស់អគ្គនាយកដ្ឋានអត្តសញ្ញាណកម្ម តាមរយៈលិខិត១ កាលពីថ្ងៃទី៨ ខែវិច្ឆិកា ឆ្នាំ២០១៧៕

អត្ថបទ៖ សំភី