ស្រីលង្កា ប្រកាសដាក់ប្រទេសក្នុងភាពអាសន្ន ចំនួន ១០ថ្ងៃ
- 2018-03-07 03:24:44
- ចំនួនមតិ 0 | ចំនួនចែករំលែក 0
ស្រីលង្កា ប្រកាសដាក់ប្រទេសក្នុងភាពអាសន្ន ចំនួន ១០ថ្ងៃ
ចន្លោះមិនឃើញ
រដ្ឋាភិបាលស្រីលង្កាបានប្រកាសដាក់ប្រទេសក្នុងភាពអាសន្នចំនួន ១០ថ្ងៃ ដោយចាប់ពីថ្ងៃទី៦ ខែមីនា ម្សិលមិញ ក្រោយផ្ទុះអំពើហិង្សារវាងសហគមន៍អ្នកកាន់ពុទ្ធសាសនា និងសហគមន៍អ្នកកាន់សាសនាឥស្លាម។ ការប្រកាសនេះ បានធ្វើឡើងក្រោយគណៈរដ្ឋមន្ត្រីស្រីលង្កា បានបើកកិច្ចប្រជុំពិសេស កាលពីម្សិលមិញ។
ការផ្ទុះអំពើហិង្សារវាងសហគមន៍អ្នកកាន់ពុទ្ធសាសនា និងសហគមន៍អ្នកកាន់សាសនាឥស្លាម បានកើតឡើងនៅក្រុង Kandy របស់ស្រីលង្កា កាលពីថ្ងៃទី០៤ ខែមីនា ២០១៨។ ក្នុងនោះ អ្នកកាន់ពុទ្ធសាសនាម្នាក់បានស្លាប់ ក្រោយការវាយប្រហារគ្នាជាមួយអ្នកកាន់សាសនាឥស្លាមចំនួន ៤នាក់។ ក្រោយបុណ្យសពរបស់អ្នកកាន់ពុទ្ធសាសនាម្នាក់នោះ ហាងរបស់អ្នកកាន់សាសនាឥស្លាមត្រូវបានគេដាក់គ្រាប់បែកបំផ្ទុះ ដោយបានសម្លាប់យុវជនឥស្លាមម្នាក់ផងដែរ។
ភាពតានតឹងរវាងអ្នកកាន់ពុទ្ធសាសនា និងអ្នកកាន់សាសនាឥស្លាម បានផ្ទុះឡើងកាលពីឆ្នាំ២០១៧ កន្លងទៅ ដោយសហគមន៍អ្នកកាន់ពុទ្ធសាសនា ចោទអ្នកកាន់សាសនាឥស្លាមថា បានធ្វើឥស្លាមភាវូបនីយកម្មនៅក្នុងក្រុង Kandy៕