ក្រសួងអប់រំ ប្រាប់មន្រ្តីរាជការឲ្យទៅទិញលំនៅឋានដែលមានតម្លៃទាប

2018-03-13 03:40:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា បានជូនដំណឹងដល់បុគ្គលិកអប់រំទាំងអស់ដែលមានបំណងចង់ទិញលំនៅឋានតម្លៃទាប និងមធ្យមរបស់ក្រុមហ៊ុន WorldBridge Homes ឲ្យប្រញាប់រួសរាន់ទៅទំនាក់ទំនងជាមួយក្រុមហ៊ុននេះ។ នេះបើតាមសេចក្តីជូនដំណឹងរបស់ក្រសួងអប់រំ កាលពីថ្ងៃទី១២ ខែមីនា ឆ្នាំ២០១៨។

រូបគំរូនៃផ្ទះតម្លៃទាប

ការជូនដំណឹងនេះ បន្ទាប់ពីក្រុមហ៊ុន WorldBridge Homes បានប្រកាសលក់លំនៅឋានតម្លៃសមរម្យ កាលពីថ្ងៃទី៩ ខែកុម្ភៈ ឆ្នាំ២០១៨ សម្រាប់មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋដែលមានចំណូលទាប និងមធ្យម។ តម្លៃផ្ទះ គឺចាប់ពី ២៥០០០ដុល្លារឡើងទៅ ដែលមានទីតាំងតាមបណ្តោយផ្លូវជាតិលេខ២១ ភូមិកោះគរ ឃុំរកាខ្ពស់ ស្រុកស្អាង ខេត្តកណ្តាល។

ចំពោះលក្ខខណ្ឌនៃការបង់ប្រាក់ ក្រុមហ៊ុនបញ្ជាក់ថា អតិថិជនអាចបង់ប្រាក់កក់ដំបូងតែ ៥% ឬ ១០% នៃតម្លៃផ្ទះតែប៉ុណ្ណោះ ហើយអាចបង់បង្គ្រប់ប្រាក់កក់ឲ្យគ្រប់ចំនួន ២០% ឬ ២៥% ឬ ៣០% នៃតម្លៃផ្ទះរហូតដល់រយៈពេល ២៤ខែ ដោយគ្មានការប្រាក់អ្វីទាំងអស់ជាមួយក្រុមហ៊ុន បន្ទាប់ពីបានបង់ប្រាក់កក់ដំបូងរួចរាល់៕