ដឹងពីពេលវេលានៃការសាងសង់ផ្លូវល្បឿនលឿន ភ្នំពេញ-ព្រះសីហនុ ហើយ

2018-03-16 06:36:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវល្បឿនលឿនពីរាជធានីភ្នំពេញ ទៅខេត្តព្រះសីហនុ នឹងបញ្ចប់ការសិក្សានៅចុងឆ្នាំ២០១៨ ហើយចាប់់ផ្តើមសាងសង់នៅដើមឆ្នាំ២០១៩។ ការសាងសង់នេះ គ្រោងនឹងបញ្ចប់ជាស្ថាពរនៅឆ្នាំ២០២៣ ពោលគឺប្រើរយៈពេល៤ឆ្នាំ។ នេះបើយោងតាមស្មារតីនៃសិក្ខាសាលា ស្តីពីការចូលរួមវាយតម្លៃលទ្ធផលការសិក្សាហេតុផលបរិស្ថាន និងសង្គមពេញលេញនៃគម្រោងសាងសង់ផ្លូវល្បឿនលឿនភ្នំពេញ-ព្រះសីហនុ នៅព្រឹកថ្ងៃទី១៦ ខែមីនា ឆ្នាំ២០១៨។

រូបគំរូផ្លូវល្បឿនលឿន (រូបតំណាង)

សិក្ខាសាលានេះ មានការចូលរួមពីសំណាក់មន្រ្តីមន្ទីរអង្គភាពជំនាញជាប់ពាក់ព័ន្ធ និងលោកអភិបាលរងខេត្តទទួលបន្ទុក ព្រមទាំងម្ចាស់គម្រោងផងដែរ ក្រោមអធិបតីភាពលោក យន្ត មីន អភិបាលខេត្តព្រះសីហនុ។

សូមជម្រាបថា ផ្លូវល្បឿនលឿននេះ មានប្រវែងជាង ១៩០គីឡូម៉ែត្រ នឹងត្រូវសាងសង់ដោយក្រុមហ៊ុនចិន China Road and Bridge Corporation ដែលចំណាយថវិកាជិត ១,៨ពាន់លានដុល្លារ៕

អត្ថបទ៖ សំភី