ថៃបង្ហាញតួលេខទេសចរបរទេស ដែលនឹងមកលេងពេលចូលឆ្នាំថ្មី

2018-03-20 01:46:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីក្រសួងទេសចរណ៍ថៃ បានប្រកាសឲ្យដឹងថា ទេសចរបរទេសចំនួនប្រមាណ ៥៣ម៉ឺននាក់ អាចនឹងមកលេងកម្សាន្តនៅប្រទេសថៃ ដើម្បីចូលរួមព្រឹត្តិការណ៍សង្ក្រាន្តឆ្នាំថ្មី ដែលនឹងប្រារព្ធឡើងនៅខែមេសាខាងមុខ។ ឯចំណូលដែលរំពឹងនឹងទទួលបាន គឺប្រមាណជា ២៩០លានដុល្លារអាមេរិក។

នៅឆ្នាំ២០១៨នេះ រដ្ឋាភិបាលថៃបានសម្រេចបង្កើនថ្ងៃឈប់នៅពេលចូលឆ្នាំប្រពៃណីថៃ១ថ្ងៃបន្ថែមទៀត គឺនៅថ្ងៃទី១២ ខែមេសា ដូច្នេះហើយពលរដ្ឋថៃនឹងអាចឈប់សម្រាករយៈពេល៥ថ្ងៃជាប់គ្នា ចាប់ពីថ្ងៃទី១២ ដល់ថ្ងៃទី១៦ ខែមេសា (ចុច Link នេះដើម្បីអានលម្អិត)។ ដោយសារតែឈប់សម្រាកច្រើនថ្ងៃ ចំនួនទេសចរនៅក្នុងស្រុកវិញក៏រំពឹងមានការកើនឡើងផងដែររហូតដល់ ៣លាននាក់ ហើយនឹងចំណាយថវិកាអស់ប្រហែល ៣២០លានដុល្លារ។

បើផ្អែកលើទិន្នន័យនេះ ប្រទេសថៃនឹងមានទេសចរសរុបទាំងក្រៅ និងក្នុងស្រុក ចំនួនជិត ៤លាននាក់ និងចំណូលជាង ៦០០លានដុល្លារ៕

ប្រភព៖ Hospitality Net ប្រែសម្រួល៖ ឈាង.