រាជរដ្ឋាភិបាល បង្កើតគណៈកម្មាធិការជាតិប្រឆាំងទារុណកម្ម

2018-03-22 04:13:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាលបានបង្កើតគណៈកម្មាធិការជាតិប្រឆាំងទារុណកម្ម ដើម្បីដើរត្រួតពិនិត្យកន្លែងឃុំខ្លួនមនុស្សទាំងអស់នៅទូទាំងប្រទេស។ គណៈកម្មាធិការនេះ គឺមានលោក នុត សាអាន ជាប្រធាន។

លោក នុត សាអាន បានមានប្រសាសន៍នៅព្រឹកថ្ងៃទី២២ ខែមីនា ឆ្នាំ២០១៨នេះថា គណៈកម្មាធិការជាតិប្រឆាំងទារុណកម្ម គឺមានភារកិច្ចដើរត្រួតពិនិត្យនៅកន្លែងឃុំខ្លួនមនុស្សទាំងអស់ មិនមែនតែពន្ធនាគារទេ ពោលគឺគ្រប់កន្លែងណាក៏ដោយឲ្យតែមានឃុំខ្លួនមនុស្ស ដើម្បីឲ្យដឹងថា តើនៅកន្លែងឃុំខ្លួនទាំងនោះ មានការធ្វើទារុណកម្មអ្នកជាប់ឃុំឬអត់?។

លោកបានបញ្ជាក់ថា៖ «ការពិត គឺយើងចង់ធ្វើម៉េចកុំឲ្យមានការអនុវត្តទារុណកម្មទៅលើអ្នកដែលមានទោសពៃ ដែលយើងចាប់យកទៅ ហើយកន្លែងឃុំខ្លួននៅស្រុកខ្មែរយើងមានច្រើនណាស់»។

យោងតាមរបាយការណ៍បានបង្ហាញថា នៅឆ្នាំ២០១៧ ជនជាប់ឃុំក្នុងពន្ធនាគារមានចំនួន ២៨ ៤១៤នាក់ (ស្រី ២៤៤៣នាក់) ធៀបនឹងឆ្នាំ២០១៦ មានការកើនឡើង ២៩,២១% ស្មើ ៦៤២៥នាក់៕

អត្ថបទ៖ សោភា