ជប៉ុនត្រៀមដាក់បង្ហាញស្រោមអនាម័យកម្រាស់ស្ដើងបំផុតមិនធ្លាប់មានលើលោក
- 2018-03-22 09:51:26
- ចំនួនមតិ 0 | ចំនួនចែករំលែក 0
ជប៉ុនត្រៀមដាក់បង្ហាញស្រោមអនាម័យកម្រាស់ស្ដើងបំផុតមិនធ្លាប់មានលើលោក
ចន្លោះមិនឃើញ
ក្រុមហ៊ុនជប៉ុនមួយចំនួន បានចាត់ទុកព្រឹត្តិការណ៍អូឡាំពិកក្រុងតូក្យូជាឱកាសមាស សម្រាប់បង្កើនចំនួនលក់ស្រោមអនាម័យរបស់ខ្លួន។ ទន្ទឹមនឹងនេះ ពួកគេក៏បង្ហាញពីគម្រោងផលិតស្រោមអនាម័យស្ដើងបំផុតលើពិភពលោកផងដែរ។
ជាទូទៅឲ្យតែពេលកីឡាអូឡាំពិកចាប់ផ្ដើម ក្រុមហ៊ុនស្រោមអនាម័យរមែងចែកចាយផលិតផលរបស់ពួកគេទៅឲ្យក្រុមអត្តពលិកដោយមិនគិតថ្លៃ ដើម្បីជាការផ្សព្វផ្សាយពាណិជ្ជកម្ម។ មិនខុសគ្នាពីសព្វមួយដង ជប៉ុនក៏មិនរំលងឱកាសល្អនេះដែរ គឺកំពុងញាប់ដៃញាប់ជើងជាមួយគម្រោងផលិតស្រោមអនាម័យស្ដើងបំផុតដែលមានកម្រាស់ត្រឹម ០,០១មិល្លីម៉ែត្រប៉ុណ្ណោះ។
លោក Hiroshi Yamashita នាយកគ្រប់គ្រងជាន់ខ្ពស់ និងជាអ្នកនាំពាក្យក្រុមហ៊ុនស្រោមអនាម័យល្បីបំផុតរបស់ជប៉ុន Sagami Rubber Industries បានរៀបរាប់ថា៖ "គឺមានតែក្រុមហ៊ុនជប៉ុនទេ ដែលមានសមត្ថភាពអាចផលិតស្រោមអនាម័យកម្រាស់ស្ដើងបំផុតត្រឹម ០,០១ ដល់ ០,០២មិល្លីម៉ែត្រ។ យើងមើលឃើញថា វា (អូឡាំពិក២០២០) នឹងក្លាយជាឱកាសដ៏វិសេសវិសាលមួយ ដើម្បីឲ្យពិភពលោកស្គាល់ច្បាស់ពីបច្ចេកវិទ្យាលំដាប់ខ្ពស់របស់ជប៉ុន"៕