UCL៖ការវាយបកយកឈ្នះនៅជើងទី២ ក្រោយចាញ់ចាប់ពី៣គ្រាប់ ធ្លាប់កើតមានប៉ុន្មានដង?

2018-04-10 08:48:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Manchester City នឹងត្រូវសងសឹក Liverpool ក្នុងការប្រកួតជើងទីពីរ វគ្គ៨ក្រុមចុងក្រោយ ពានរង្វាន់ UEFA Champions League នៅកីឡដ្ឋាន Etihad យប់នេះ បន្ទាប់ពីក្រុមមេឃខៀវទទួលបរាជ័យដោយលទ្ធផល ៣-០ កាលពីជើងទីមួយ នៅទឹកដីរបស់ក្រុមហង្សក្រហម កាលពីសប្ដាហ៍មុន។

ទោះជាយ៉ាងណា ការវាយបកនេះមិនមែនជារឿងងាយស្រួលឡើយ។ ក៏ប៉ុន្តែ ក្នុងប្រវត្តិ UCL ក៏ធ្លាប់មានក្រុមដែលអាចវាយបកយកឈ្នះវិញនៅជើងទីពីរ ក្រោយចាញ់ចាប់ពី ៣គ្រាប់នៅជើងទីមួយផងដែរ។

Mane តែតបញ្ចូលទី គ្រាប់ទី៣ ឲ្យ Liverpool ពេលប៉ះ Man City ជើងទី១ នៅ កីឡដ្ឋាន Anfield សប្ដាហ៍មុន (រូបភាព៖ Getting Image)

**ការវាយបកក្រោយចាញ់៤គ្រាប់ កើតឡើងម្ដង ក្នុងរដូវកាល២០១៦-១៧**

Barcelona ប៉ះ PSG វគ្គ ១៦ក្រុមចុងក្រោយ
ជើងទីមួយ៖ PSG ៤-០ Barcelona
ជើងទីពីរ៖ Barcelona ៦-១ PSG

Neymar ស៊ុតប៉េណាល់ទី គ្រាប់ទី៥ ឲ្យ Barcelona ក្នុងជើងទីពីរ វគ្គ១៦ក្រុម UCL រដូវកាល២០១៦-១៧

ការវាយបកក្រោយចាញ់៣គ្រាប់ កើតឡើងម្ដងក្នុងរដូវកាល២០០៣-០៤

Deportivo La Coruna ប៉ះ AC Milan, វគ្គ ៨ក្រុមចុងក្រោយ
ជើងទីមួយ៖ Deportivo ១-៤ AC Milan
ជើងទីពីរ៖ AC Milan ០-៤ Deportivo

Deportivo La Coruna អបអរក្រោយវាយបកយកឈ្នះ AC Milan កាលពីឆ្នាំ២០០៤ (រូបភាព៖ AFP/Getting Image)

ដោយឡែក ចំពោះការវាយបកក្រោយចាញ់ ២គ្រាប់ ធ្លាប់កើតមាន ៩លើក ក្នុងប្រវត្តិរបស់ UCL។ ក្រុមទាំងធ្លាប់ធ្វើបានដូច្នេះ មានដូចជា Barcelona (រដូវកាល១៩៩៩-២០០០ និង ២០១២-១៣), Monaco (២០០៣-០៤ និង ២០១៦-១៧), Chelsea (២០១១-១២ និង ២០១៣-១៤), Manchester United (២០១៣-១៤), Bayern Munich (២០១៤-១៥), Real Madrid (២០១៥-១៦)៕

ប្រភព៖ Dailymail ប្រែសម្រួល៖ លាភ.