នាយករដ្ឋមន្ត្រីអង់គ្លេស កោះប្រជុំគណៈរដ្ឋមន្ត្រីជាពិសេស ពិភាក្សាពីចំណាត់ការយោធាលើប្រទេសមួយ

2018-04-12 08:17:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Theresa May នាយករដ្ឋមន្រ្តីអង់គ្លេស នៅថ្ងៃទី១២ ខែមេសា ២០១៨នេះ បានកោះប្រជុំគណៈរដ្ឋមន្ត្រីជាពិសេស ដើម្បីពិភាក្សាពីការចូលរួមជាមួយអាមេរិក និងបារាំង ក្នុងការប្រើប្រាស់វិធានការយោធារួមគ្នាមួយ ទៅលើប្រទេសស៊ីរី ដែលសង្ស័យថា បានប្រើប្រាស់ឧស្ម័នពុលសម្លាប់ជនស៊ីវិល។

លោកស្រី Theresa May នាយករដ្ឋមន្រ្តីអង់គ្លេស

ការកោះប្រជុំគណៈរដ្ឋមន្រ្តីរបស់អង់គ្លេសនេះ បានធ្វើឡើងក្រោយប្រធានាធិបតីអាមេរិក ដូណាល់ ត្រាំ បានបញ្ជាក់ប្រាប់ទៅប្រទេសរុស្ស៊ីថា អាមេរិកនឹងប្រើប្រាស់កម្លាំងយោធា វាយប្រហារទៅលើប្រទេសស៊ីរី។

ចំណែកសារព័ត៌មាន BBC បានរាយការណ៍ថា លោកស្រី May បានត្រៀមខ្លួនរួចហើយ ដើម្បីចូលរួមធ្វើប្រតិបត្តិការយោធាមួយ ដែលដឹកនាំដោយសហរដ្ឋអាមេរិក វាយប្រហារទៅលើប្រទេសស៊ីរី ដោយមិនចាំបាច់ស្នើសុំការអនុញ្ញាតពីសភាអង់គ្លេសនោះទេ។

រីឯសារព័ត៌មាន Telegraph ក៏បានរាយការណ៍ដែរថា លោកស្រី May បានបញ្ជានាវាមុជទឹករបស់អង់គ្លេស ចល័តដោយមានទាំងមីស៊ីល ទៅកាន់ប្រទេសស៊ីរី ក្នុងគោលបំណងត្រៀមខ្លួនឲ្យរួចរាល់ សម្រាប់ការវាយប្រហារលើប្រទេសស៊ីរី៕

ប្រភព៖ Reuters ប្រែសម្រួល៖ វាសនា