ប្រទេសអាស៊ានចំនួន៣ បានចូលរួមពិធីបើកស្ថានទូតអាមេរិកនៅ Jerusalem

2018-05-16 06:03:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេសអ៊ីស្រាអែល បានប្រកាសឱ្យដឹងកាលពីថ្ងៃទី១៥ ខែឧសភា ឆ្នាំ២០១៨ថា ប្រទេសទាំងអស់ចំនួន៨៦ ត្រូវបានអញ្ជើញឲ្យចូលរួមក្នុងពិធីបើកស្ថានទូតអាមេរិកនៅទីក្រុង Jerusalem។ ប៉ុន្តែមានតែតំណាងមកពីប្រទេសចំនួន ៣២ ប៉ុណ្ណោះ ដែលបានចូលរួម ក្នុងនោះ ក៏មានប្រទេសអាស៊ានចំនួន ៣ បានចូលរួមផងដែរ រួមមាន ប្រទេសវៀតណាម ហ្វីលីពីន និងមីយ៉ាន់ម៉ា ។

កូនស្រីរបស់លោកត្រាំ លោកស្រី Ivanka Trump និយាយក្នុងកម្មវិធីបើកស្ថានទូតអាមេរិកនៅ Jerusalem កាលពីថ្ងៃ១៤ ឧសភា ឆ្នាំ ២០១៨។ រូបភាព៖ Reuters

ក្រៅពីប្រទេសអាស៊ានទាំង ៣ នេះ ក៏មានប្រទេស ២៩ ផ្សេងទៀត រួមមានដូចជា អាល់បានី អង់គោឡា អូទ្រីស កាមេរូន សាធារណរដ្ឋកុងហ្គោ សាធារណរដ្ឋប្រជាធិបតេយ្យកុងហ្គោ សាធារណរដ្ឋឆេក កូតឌីវ័រ ដូមីនីកង់ អែលសាល់វ៉ាឌ័រ អេត្យូពី ជកជី ក្វាតេម៉ាឡា ហុងឌូរ៉ាស ហុងគ្រី កេនយ៉ា សាធារណរដ្ឋម៉ាសេដ្វាន ប៉ាណាម៉ា ប៉ារ៉ាគ្វេ ប៉េរូ រ៉ូម៉ានី រ៉្វាន់ដា ស៊ែប ស៊ូដង់ខាងត្បូង តង់សានី អ៊ុយក្រែន និងសំប៊ី។

គួររម្លឹកថា អាមេរិក បានធ្វើពិធីបើកស្ថានទូតនៅក្រុង Jerusalem ជាផ្លូវការកាលពីថ្ងៃទី១៤ ខែឧសភា ឆ្នាំ២០១៨ ដោយផ្លាស់ប្តូរទីតាំងស្ថានទូតពីក្រុង Tel Aviv។ ការផ្លាស់ប្តូរទីតាំងនេះ ក្រោយពេលដែលប្រធានាធិបតីអាមេរិក លោក ដូណាល់ ត្រាំ បានប្រកាសទទួលស្គាល់ក្រុង Jerusalem ជារដ្ឋធានីរបស់អ៊ីស្រាអែល កាលពីខែធ្នូ ឆ្នាំ២០១៧៕