ចិន ចាប់អារម្មណ៍ផលិតផលខ្មែរ ៥យ៉ាង ដើម្បីនាំចូលទៅទីផ្សាររបស់ខ្លួន
- 2018-05-19 03:48:20
- ចំនួនមតិ 0 | ចំនួនចែករំលែក 0
ចិន ចាប់អារម្មណ៍ផលិតផលខ្មែរ ៥យ៉ាង ដើម្បីនាំចូលទៅទីផ្សាររបស់ខ្លួន
ចន្លោះមិនឃើញ
ប្រតិភូខេត្តក្វាងស៊ីនៃសាធារណរដ្ឋប្រជាមានិតចិន បានបង្ហាញចេតនាជួយសម្របសម្រួលឲ្យកម្ពុជាអាចនាំផលិតផលស្វាយ ស្វាយចន្ទី មៀន ម្រេច និងទឹកមាត់ត្រចៀកកាំ ចូលទៅប្រទេសចិនឲ្យបាននាពេលខាងមុខ។
ការលើកឡើងរបស់ភាគីចិននេះ ត្រូវបានធ្វើឡើងនៅក្នុងជំនួបពិភាក្សារវាងលោក ស៊ាង ថៃ អគ្គនាយកជំរុញពាណិជ្ជកម្ម នៃក្រសួងពាណិជ្ជកម្ម និង លោក Liang Yi អគ្គនាយករងនៃភ្នាក់ងារជំរុញការវិនិយោគខេត្តក្វាងស៊ី នាល្ងាចថ្ងៃទី១៨ ខែឧសភា ឆ្នាំ២០១៨ នៅទីស្តីការក្រសួងពាណិជ្ជកម្ម។
លោក Liang Yi បានជម្រាបថា នៅកម្ពុជាមានក្រុមហ៊ុនមកពីខេត្តក្វាងស៊ីជាច្រើន បានកំពុងធ្វើប្រតិបត្តិការអាជីវកម្ម ហើយនៅថ្ងៃខាងមុខ លោកនឹងខិតខំកៀងគរវិនិយោគិនខេត្តក្វាងស៊ី ឲ្យចូលមកបណ្តាក់ទុនថែមទៀតនៅកម្ពុជា ដើម្បីឈានទៅសម្រេចគោលដៅយុទ្ធសាស្ត្រផ្លូវមួយ ខ្សែក្រវាត់មួយ ដែលផ្តួចផ្តើមដោយលោក ស៊ី ជិនពីង ប្រធានាធិបតីចិន។
លោក Liang Yi បានបន្តថា មានក្រុមហ៊ុនមកពីខេត្តក្វាងស៊ីដ៏ធំមួយ កំពុងបោះទុនវិនិយោគលើកំពង់ផែក្រុងព្រះសីហនុ បើសិនជាគម្រោងនេះទទួលជោគជ័យ កម្ពុជាអាចដឹកជញ្ជូនទំនិញតាមផ្លូវទឹកត្រង់ទៅប្រទេសចិនតែម្តង។
សូមជម្រាបថា កម្ពុជា ត្រូវបានអនុញ្ញាតឲ្យនាំចូលទៅប្រទេសចិនបានតែ អង្ករ ដំឡូងមី និងពោតប៉ុណ្ណោះ៕