ជាង៥ខែដើមឆ្នាំ២០១៨ រន្ទះបានបាញ់សម្លាប់មនុស្សប៉ុន្មាននាក់ នៅកម្ពុជា?
- 2018-05-19 04:46:24
- ចំនួនមតិ 0 | ចំនួនចែករំលែក 0
ជាង៥ខែដើមឆ្នាំ២០១៨ រន្ទះបានបាញ់សម្លាប់មនុស្សប៉ុន្មាននាក់ នៅកម្ពុជា?
ចន្លោះមិនឃើញ
លោក កែវ វី អ្នកនាំពាក្យនៃគណៈកម្មាធិការជាតិគ្រប់គ្រងគ្រោះមហន្តរាយ បានបញ្ជាក់ថា គិតត្រឹមថ្ងៃទី១៧ ខែឧសភា ឆ្នាំ២០១៨ រន្ទះបាញ់បានសម្លាប់មនុស្ស៥០នាក់ និងបង្ករបួសមនុស្សជាង៣៧នាក់ ក្នុងចំណោមអ្នកបាត់បង់ជីវិតទាំង៥០នាក់ គឺមានស្រី្តចំនួន១១នាក់។
ដោយឡែកហេតុការណ៍គ្រោះថ្នាក់រន្ទះបាញ់តាំងពីដើមឆ្នាំ២០១៨នេះ បានសម្លាប់គោ ក្របី អស់៥២ក្បាល និងឆ្កែចំនួន៣ក្បាល ធ្វើឲ្យខូចខាតផ្ទះ១១ខ្នង ក្នុងនោះផ្ទះ ចំនួន៣ខ្នង បានរងការខូចខាតអស់ទាំងស្រុង។
សូមជម្រាបថា ករណីរន្ទះបាញ់ចុងក្រោយ បានកើតឡើងកាលពីថ្ងៃទី១៧ ខែឧសភា ដោយសម្លាប់មនុស្ស៥នាក់ និងឆ្កែចំនួន៣ក្បាលនៅចំណុចអូរទាពង ស្ថិតក្នុងភូមិប្រឡាយ ឃុំស្រឡាយ ស្រុកថ្មបាំងខេត្តកោះកុង។ ហើយនៅថ្ងៃទី១៦និង១៧ ខែឧសភា ឆ្នាំ២០១៨ នៅស្រុកជ័យសែន និងស្រុកសង្គមថ្មី ខេត្តព្រះវិហារ រន្ទះបាញ់បានសម្លាប់សត្វគោចំនួន ២០ក្បាល។ ចំណែកនៅក្នុងស្រុកអង្គរជ័យ និងស្រុកជុំគីរី ខេត្តកំពត រន្ទះបាញ់បានសម្លាប់ស្ត្រីម្នាក់ និងស្ត្រីម្នាក់ទៀតរងរបួសធ្ងន់៕