ម្ទេសម៉ត់ផលិតនៅវៀតណាម មានផ្ទុកសារធាតុគីមីបង្កជាជំងឺមហារីក

2018-05-21 04:36:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរវៀតណាម កាលពីពេលថ្មីៗនេះ បានចុះបង្ក្រាបទីតាំងសិប្បកម្មផលិតម្សៅម្ទេសចំនួន ៥កន្លែង ដែលមានផ្ទុកសារធាតុ Carcinogen លើសកម្រិត ដោយអាចបង្កជាជំងឺមហារីកថ្លើម និងពោះវៀន។ ការចុះបង្ក្រាបនេះ ត្រូវធ្វើឡើងដោយមន្ត្រីក្រសួងកសិកម្ម និងអភិវឌ្ឍន៍ជនបទវៀតណាម ក្នុងដំណើរការចុះត្រួតពិនិត្យនៅតាមសិប្បកម្ម នៅក្រុងមួយចំនួននៅវៀតណាម។

កសិករវៀតណាម ប្រមូលម្ទេសក្រៀម សម្រាប់ធ្វើម្សៅម្ទេស (រូបថត៖ Tuoi Tre)

សិប្បកម្មទាំង៥ទីតាំង ដែលមានអាជ្ញាប័ណ្ណផ្នែកសុវត្ថិភាពចំណីអាហារត្រឹមត្រូវ ត្រូវបានពិន័យជាទឹកប្រាក់ជិត ៥០០០ដុល្លារ និងត្រូវរឹបអូសវត្ថុតាងដោយមន្ត្រីក្រសួងកសិកម្ម និងអភិវឌ្ឍន៍ជនបទវៀតណាម។ តាមការពិសោធសំណាកគំរូ ចំនួន ២៦២ នៃម្សៅម្ទេស និងម្ទេសក្រៀម ដែលបានមកពីសិប្បកម្មខាងលើ បានបង្ហាញថា សំណាកគំរូ ៩៥ មានផ្ទុកសារធាតុដែលបង្កជាជំងឺមហារីក។

លោក Nguyen Nhu Tiep ប្រធាននាយកដ្ឋានធានាគុណភាពផលកសិ-ព្រៃឈើវៀតណាមបានឲ្យដឹងថា ម្សៅម្ទេសអាចឆ្លងសារធាតុបង្កជាជំងឺមហារីកខាងលើយ៉ាងងាយ ប្រសិនបើមិនបានរក្សាទុក និងវេបខ្ចប់ឲ្យបានត្រឹមត្រូវ។