Google កំពុង​បង្កើត Search Engine ពិសេស សម្រាប់​ប្រទេស​ចិន

  • 2018-08-02 08:24:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ក្រុមហ៊ុន Google កំពុង​ធ្វើ​ការ​បង្កើត Search Engine ថ្មី​មួយ ដែល​អាច​ឲ្យ​ប្រជាជន​រស់នៅ​ក្នុង​ប្រទេស​ចិន ធ្វើការ​ឆែក​ និង​ស្វែករក​ព័ត៌មាន​ផ្សេង​ៗ​បាន ដោយ​មិន​ស្ថិត​ក្រោម​ច្បាប់​របស់​ចិន​ឡើយ​។ នេះ​បើ​តាម​ការ​ចុះផ្សាយ​របស់​សារព័ត៌មាន AFP ដក​ស្រង់​សម្ដី​បុគ្គលិក​ម្នាក់​របស់ Google ដែល​បាន​សុំមិន​បញ្ចេញ​ឈ្មោះ​។

ស្លាកសញ្ញា Google នៅចិន (រូបថត៖ techspot.com)

Google បាន​ធ្វើការ​ដក​នូវ Search Engine (Google.com) ចេញ​ពី​ប្រទេស​ចិន កាលពី​៨ឆ្នាំ​មុន ដោយសារ​ការ​បិទ​ពី​រដ្ឋាភិបាល​ចិន​ និង​ការ​វាយ​ប្រហារ​តាម​ប្រព័ន្ធ​អ៊ីនធឺណិត​។ ប៉ុន្តែ បច្ចុប្បន្ន​ក្រុមហ៊ុន​នេះ កំពុង​ធ្វើការ​លើ​គម្រោង​ថ្មី​មួយ ដែល​គេ​ស្គាល់​ថា "Dragonfly”។ Search Engine ថ្មី​នេះ​ត្រូវ​បាន​ដឹង​ថា ដំណើរការ​ដូច Search Engine របស់ Google បច្ចុប្បន្ន​ដែរ ប៉ុន្តែ​វា​សម្រាប់​អ្នក​ប្រើប្រាស់​ក្នុង​ប្រទេស​ចិន​តែ​ប៉ុណ្ណោះ​។

យ៉ាង​ណា​ក៏​ដោយ អ្នក​នាំ​ពាក្យ​របស់ Google បាន​បដិសេធ​ក្នុង​ការ​អះអាង​ពី​ការ​បង្កើត​គម្រោង​ខាងលើ​។

សូម​ជម្រាប​ថា បណ្ដាញ​សង្គម​ដូចជា Twitter, Facebook និង YouTube សុទ្ធតែ​ត្រូវ​បាន​បិទ​នៅ​ក្នុង​ប្រទេស​ចិន។ ចំពោះ​ការ​បិទ Search Engine របស់ Google គឺ​ដោយសារ​បញ្ហា​វាយ​ប្រហារ​តាម​ប្រព័ន្ធ​អ៊ីនធឺណិត ចំពោះ​គណនី Gmail របស់​សកម្មជន​សិទ្ធិ​មនុស្ស​នៅ​ក្នុង​ប្រទេស​ចិន។ បច្ចុប្បន្ន Google មាន​បុគ្គលិក​ចំនួន ៧០០​នាក់ កំពុង​ធ្វើការ​នៅ​ចិន លើ​គម្រោង​ផ្សេង​ៗ​ទៀត។

បើ​តាម​វេបសាយ Quertime នៅ​ចិន Search Engine ដែល​ល្បីៗ មាន​ដូចជា Baidu, Sogou, Chiso ជា​ដើម​៕

ប្រភព៖ Bangkokpost ប្រែ​សម្រួល៖ លាភ.

;