ស៊ី ជីងពីង៖ ក្នុងតំបន់ មានកងកម្លាំងបិសាច ៣ក្រុម ដែលយើងនៅតែប្រឈមយ៉ាងខ្លាំង

2018-05-22 23:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីចិន ស៊ី ជីងពីង បានលើកឡើងថា ក្នុងតំបន់ មានកងកម្លាំងបិសាច ៣ក្រុម គឺក្រុមភេរវជន ក្រុមផ្ដាច់ខ្លួន និងក្រុមជ្រុលនិយម ដែលយើងនៅតែបន្ដប្រឈមយ៉ាងខ្លាំង។ ការលើកឡើងរបស់លោក ស៊ី បានធ្វើឡើងក្នុងកិច្ចប្រជុំក្រុមប្រឹក្សាសន្ដិសុខនៃអង្គការកិច្ចសហប្រតិបត្តិការក្រុងសៀងហៃលើកទី១៣ កាលពីថ្ងៃទី២២ ខែឧសភា ២០១៨។

លោក ស៊ី ជីងពីង ប្រជុំជាមួយប្រតិភូរបស់ប្រទេសសមាជិកអង្គការកិច្ចសហប្រតិបត្តិការក្រុងសៀងហៃ

ក្រៅពីនេះ លោក ស៊ី បានបន្ថែមថា ក្នុងតំបន់ក៏នៅតែបន្ដជួបបញ្ហាការជួញដូរគ្រឿងញៀន និងឧក្រឹដ្ឋកម្មឆ្លងដែនផងដែរ ដែលលោកបានជំរុញឲ្យសមាជិកនៃអង្គការកិច្ចសហប្រតិបត្តិការក្រុងសៀងហៃ ត្រូវតែបន្ដសាមគ្គីគ្នាដោយទំនុកចិត្ត និងពង្រឹងគោលការណ៍ទំនាក់ទំនង និងសហការគ្នា។

ជាមួយគ្នានេះ លោក ស៊ី ក៏បានអំពាវនាវឲ្យមានដំណោះស្រាយសន្ដិវិធី ចំពោះបញ្ហាក្តៅនានា តាមរយៈមធ្យោបាយការទូត និងនយោបាយ៕