ក្រសួងរ៉ែ ដាក់បម្រាមដល់ក្រុមហ៊ុន មិនឱ្យបញ្ចេញកាកសំណល់ ទៅប្រភពទឹក

2018-05-23 03:12:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងរ៉ែ និងថាមពល បានដាក់បម្រាម ដល់ក្រុមហ៊ុនធ្វើអាជីវកម្មរ៉ែ មិនឱ្យបញ្ចេញកាកសំណល់ទៅប្រភពទឹក និងកុំឱ្យមានការលេចធ្លាយសារធាតុពុលនៅទីសាធារណៈ។ នេះបើតាមការថ្លែងរបស់លោក ម៉េង ស័ក្តិធារ៉ា រដ្ឋលេខាធិការក្រសួងរ៉ែ ក្នុងកិច្ចប្រជុំជាមួយក្រុមហ៊ុនរុករករ៉ែនៅកម្ពុជា ប្រមាណ ២០ក្រុមហ៊ុន នាព្រឹកថ្ងៃទី២៣ ខែឧសភា ឆ្នាំ២០១៨។

ទីតាំងធ្វើអាជីវកម្ម១កន្លែង នៅអណ្តូងរ៉ែមាស ក្នុងខេត្តរតនគិរី កាលពីខែឧសភា ឆ្នាំ២០១៦។ រូបថត៖ វិបសាយ RFA

លោកបានមានប្រសាសន៍ណែនាំថា ក្រុមហ៊ុនមិនត្រូវធ្វេសប្រហែសក្នុងការស្វែងរករ៉ែលោហៈ ក៏ដូចជារ៉ែអាជីវកម្មឡើយ។ ក្រុមហ៊ុនមានកាតព្វកិច្ចខ្ពស់ចំពោះសង្គម សេដ្ឋកិច្ច និងបរិស្ថាន។

លោកបន្ថែមថា ក្រុមហ៊ុនត្រូវពិនិត្យឱ្យបានត្រឹមត្រូវ កុំឱ្យមានបទល្មើស និងហាមធ្វើយ៉ាងណា កុំឱ្យមានការខូចខាតដល់សណ្ឋានដី៕

អត្ថបទ៖ សោភា