កងទ័ពជើងទឹក កម្ពុជា-រុស្ស៊ី ចាប់ផ្តើមហ្វឹកហ្វឺនរួមគ្នាលើផ្ទៃសមុទ្រ និងលើកោះ

2018-05-24 06:14:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមនាវីទោ រស់ វាសនា មេបញ្ជាការរងកងទព័ជើងទឹក មូលដ្ឋានសមុទ្ររាម បានបញ្ជាក់ឱ្យដឹងថា នៅថ្ងៃទី ២៤ ខែឧសភានេះ កងទ័ពជើងទឹក កម្ពុជា-រុស្ស៊ី បានបើកការហ្វឺកហ្វឺនរួមគ្នា ស្តីអំពីការទំនាក់ទំនងលើផ្ទៃសមុទ្រ លំហាត់យុទ្ធដំណើរនាវា ប្រឆាំងភេរវកម្ម និងប្រតិបត្តការជួយសង្គ្រោះ ក្នុងគោលបំណងបង្កើនកិច្ចសហប្រតិបត្តិការ ទំនាក់ទំនងល្អរវាងប្រទេសទាំងពីរ។

ការហ្វឹកហ្វឺនរួមគ្នារបស់កងទ័ពជើងទឹកនៃប្រទេសទាំង២ កម្ពុជា-រុស្ស៊ី ធ្វើឡើងនៅចំណុចចន្លោះ កោះតាគាវ និងកោះឬស្សី ហើយសកម្មភាពហ្វឹកហ្វឺននោះ រួមមាន ការមុជទឹកឆែកឆេររុករកចំណាប់ខ្មាំង និងយុទ្ធវិធីវាយឆ្មក់ទ័ពព្រៃ ដោយប្រើប្រាស់មធ្យោបាយ នាវាចំនួន ២គ្រឿង និងអូប័រចំនួន ៣គ្រឿង។

លោកឧត្តមនាវីទោ រស់ វាសនា បញ្ជាក់បន្តថា ការហ្វឺកហាត់រួមគ្នានេះ ធ្វើឡើងបន្ទាប់ពីនាវាចម្បាំងកងទ័ពជើងទឹករុស្ស៊ី ចំនួន ៣គ្រឿង បានចូលចតនៅកំពង់ផែអន្តរជាតិក្រុងព្រះសីហនុ កាលពីព្រឹកថ្ងៃទី២២ឧសភា ឆ្នាំ២០១៨ កន្លងទៅ ដើម្បីបំពេញទស្សនកិច្ចរយៈពេល ៦ថ្ងៃនៅកម្ពុជា ដែលនឹងត្រូវបញ្ចប់នៅថ្ងៃ២៦ ខែឧសភា ឆ្នាំ២០១៨ ខាងមុខ។

សូមជំរាបថា នាវាចម្បាំងកងទ័ពជើងទឹករុស្ស៊ី ទាំង ៣គ្រឿង មានផ្ទុកកងនាវឹកសរុបចំនួន ៨១៩នាក់ ហើយដឹកនាំបញ្ជារួមដោយលោកវរៈនាវីឯក Oleg korolev មេបញ្ជាការកងនាវាចម្បាំងជើងទឹករុស្ស៊ីប្រចាំតំបន់ប៉ាស៊ីហ្វិច៕

អត្ថបទទាក់ទង៖