ផ្លូវល្បឿនលឿន ភ្នំពេញ-ព្រះសីហនុ នឹងត្រូវបើកការដ្ឋានសាងសង់នៅខែវិច្ឆិកាឆ្នាំនេះ

2018-06-03 06:34:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវល្បឿនលឿន ភ្នំពេញ-ព្រះសីហនុ នឹងត្រូវធ្វើពិធីបើកការដ្ឋានសាងសង់នៅខែវិច្ឆិកា ឆ្នាំ២០១៨ខាងមុខ បើមិនមានអ្វីប្រែប្រួលទេនោះ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងពិធីចុះហត្ថលេខារវាងក្រសួងជាមួយនឹងក្រុមហ៊ុនទីប្រឹក្សាបច្ចេកទេសកូរ៉េ Korea Consultants International (KCI ) ក្នុងការត្រួតពិនិត្យផ្លូវជាតិលេខ៣ និងផ្លូវជាតិលេខ៧ កាលពីថ្ងៃទី ៣០ ខែឧសភា ឆ្នាំ២០១៨កន្លងទៅនេះ។

លោក ស៊ុន ចាន់ថុល ថ្លែងនាពេលកន្លងមក

លោករដ្ឋមន្រ្តីបានថ្លែងថា គណៈកម្មការអន្តរក្រសួងដោះស្រាយផលប៉ះពាល់ដឹកនាំដោយក្រសួងសេដ្ឋកិច្ច និងហិរញ្ញវត្ថុកំពុងធ្វើការងារទាំងអស់នេះ។

លោកបន្តថា៖ «ដូច្នេះសង្ឃឹមថាយើងនឹងបើកការដ្ឋាននៅខែ ១១ ឥឡូវនេះយើងកំពុងតែត្រៀម ដើម្បីទិញរកដី…ទិញដី ដើម្បីសាងសង់ផ្លូវផ្លូវល្បឿនលឿននេះឯង។ អ៊ីចឹង! យើងមានផ្លូវពីរ ផ្លូវជាតិលេខ៤ជួសជុលស្តាពីកម្ចីធនាគារពិភពលោក និងផ្លូវថ្មីមួយទៀតជាការវិនិយោគដោយក្រុមហ៊ុនចិន។»

ផ្លូវល្បឿនលឿនពីភ្នំពេញ-ព្រះសីហនុ មាន៤គន្លង ប្រវែង ១៩០,៦៣គីឡូម៉ែត្រ ចេញពីភ្នំពេញ រហូតដល់ខេត្តព្រះសីហនុ ជាផ្លូវថ្មីទាំងស្រុង និងតួផ្លូវមានទទឹង ២៤ម៉ែត្រ។ ផ្លូវនេះក្រាលកៅស៊ូ AC មានសួនច្បារខណ្ឌកណ្ដាល មានផ្លូវបំបែកប្តូរទិស មានទីតាំងឈប់សម្រាក មានរបងបាំងសងខាងផ្លូវ និងហេដ្ឋារចនាសម្ព័ន្ធសំណង់សេវាគាំទ្រជាច្រើនទៀត។

ផ្លូវល្បឿនលឿននេះ គ្រោងនឹងចំណាយថវិកាប្រមាណ ១៩០០លានដុល្លារ ដែលសាងសង់ដោយក្រុមហ៊ុនចិន ក្រោមរូបភាពវិនិយោគសាងសង់-ធ្វើអាជីវកម្ម-ផ្ទេរ (BOT)៕