Neymar ជួយឲ្យប្រេស៊ីល ឈ្នះក្រូអាត ក្រោយរងរបួសជាង ៣ខែ

2018-06-03 23:22:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយសម្រាកព្យាបាលរបួសរយៈពេល ១៤សប្ដាហ៍ ខ្សែប្រយុទ្ធ Neymar បានវិលចូលទីលានប្រកួតជាថ្មី ដោយបានស៊ុតបញ្ចូលទី១គ្រាប់ រួមចំណែកជួយឲ្យក្រុមបាល់ទាត់ជម្រើសជាតិប្រេស៊ីល យកឈ្នះក្រូអាត ២-០ ក្នុងជំនួបមិត្តភាពត្រៀម World Cup កាលពីយប់មិញនេះ។

Neymar ដែលជា Top Scorer ប្រចាំក្រុមជម្រើសជាតិប្រេស៊ីល បានស៊ុតបញ្ចូលទីជាថ្មី ក្រោយប្ដូរចូលលេងបានជាង ២០នាទី

នៅក្នុងតង់ទី១ ខ្សែប្រយុទ្ធប្រេស៊ីលទាំង៣ គឺ Willian, Gabriel Jesus និង Philippe Coutinho មិនអាចទម្លុះរបាំងខ្សែការពារក្រូអាតបាននោះទេ។ ប៉ុន្តែក្រោយ Neymar ប្ដូរចូលនៅដើមតង់ទី២ អ្វីៗបានប្រែប្រួល។ គ្រាប់បាល់របស់ខ្សែប្រយុទ្ធលេខ១០ របស់ប្រេស៊ីល បានកើតឡើងនៅនាទី ៦៩។ ចំណែកនៅចុងតង់ទី២ Roberto Firmino បានបន្ថែម១គ្រាប់ទៀត ជួយឲ្យប្រេស៊ីល ឈ្នះក្រូអាត ២-០។

សូមបញ្ជាក់ថា ក្រុមទាំង២ សុទ្ធតែត្រូវត្រៀមខ្លួនប្រកួត World Cup ដូចគ្នា ដោយប្រេស៊ីល ប្រកួតបើកឆាកប៉ះស្វីស ក្នុងពូល E នាថ្ងៃទី១៨ ខែមិថុនា ចំណែកក្រូអាតប៉ះនីហ្សេរីយ៉ា ក្នុងពូល D នាថ្ងៃទី១៧ ខែមិថុនា៕

សូមទស្សនាវីដេអូហាយឡាយ ដូចខាងក្រោម៖