ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី​១៣ ខែមិថុនា ឆ្នាំ​២០១៨នេះ បានចេញសេចក្ដីជូនដំណឹង​ ស្តីពីការឈប់សម្រាករយៈពេល ៣ថ្ងៃ គឺចាប់ពីថ្ងៃទី២៨ ដល់ ៣០ ខែកក្កដា ឆ្នាំ២០១៨ ដើម្បីឲ្យប្រជាពលរដ្ឋ ក៏ដូចជាកម្មករ និយោជិត បានទៅចូលរួមការបោះឆ្នោត​ជ្រើសតាំងតំណាងរាស្ត្រ ដែលនឹងប្រព្រឹត្តទៅនាថ្ងៃទី២៩កក្កដា។

ក្រសួងបន្តថា ម្ចាស់ និងនាយករោងចក្រ សហគ្រាស គ្រឹះស្ថាន​ទាំងអស់ ត្រូវអនុញ្ញាតឲ្យកម្មករ និយោជិត បានឈប់សម្រាក ដោយរក្សា​ទុកប្រាក់ឈ្នួល និងប្រាក់រង្វាន់ធ្វើការទៀតទាត់ជូនកម្មករ និយោជិត ដដែល៕