គ្រឹះស្ថានឥណទានចំនួន ២៣ ត្រូវធនាគារជាតិ បដិសេធផ្ដល់ និងដកហូតវិញ្ញាបនបត្រ

2018-06-20 09:58:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ធនាគារជាតិនៃកម្ពុជា បានប្រកាសបដិសេធមិនផ្ដល់វិញ្ញាបនបត្របញ្ជាក់ការចុះបញ្ជីជាគ្រឹះស្ថានឥណទានជនបទចំពោះអង្គការ-សមាគមចំនួន ១២ និងបានដកហូតវិញ្ញាបនបត្របញ្ជាក់ការចុះបញ្ជីជាគ្រឹះស្ថានឥណទានជនបទចំនួន ១១។ នេះបើយោងតាមសេចក្ដីប្រកាសរបស់ធនាគារជាតិនៃកម្ពុជា ចុះថ្ងៃទី២៩ ខែឧសភា ឆ្នាំ២០១៨ ដែលទើបត្រូវបង្ហោះនៅលើទំព័រហ្វេសប៊ុកធនាគារជាតិនៅថ្ងៃទី២០ ខែមិថុនា នេះ។

ឈ្មោះអង្គការ-សមាគម ដែលត្រូវធនាគារជាតិបដិសេធ និងដកហូតវិញ្ញាបនបត្របញ្ជាក់ការចុះបញ្ជីជាគ្រឹះស្ថានឥណទានជនបទ មានដូចខាងក្រោម៖

គួររំលឹកដែរថា កាលបីខែមករា ឆ្នាំ២០១៨ កន្លងទៅ ធនាគារជាតិ ក៏ធ្លាប់បានដកហូតវិញ្ញាបនបត្រពីគ្រឹះស្ថានឥណទានជនបទ ឬប្រតិបត្តិករឥណទានជនបទចំនួន ១១ ផងដែរ ដោយសារតែគ្រឹះស្ថានទាំងនេះ អនុវត្តពុំស្របតាមច្បាប់ និងបទប្បញ្ញត្តិជាធរមាន។ គ្រឹះស្ថានដែលត្រូវបានដកវិញ្ញាបនបត្រ រួមមាន៖

១. សមាគមជាតិទ្រទ្រង់កសិផល

២. វិទ្យាស្ថាន សន្តិភាព និងអភិវឌ្ឍន៍

៣. អង្គការ លូថេរ៉េន បម្រើពិភពលោក (អង្គការជីវិតថ្លៃថ្នូរ)

៤. អង្គការអភិវឌ្ឍន៍ជនបទខ្មែរ

៥. ស៊ី ខេ អឹម អេហ្វ ជី

៦. អង្គការសប្បុរស

៧. អង្គការទ្រទ្រង់សមាគមបង្កើនការអភិវឌ្ឍ

៨. អង្គការជោគជ័យ

៩. អង្គការឥណទានកម្ពុជា (អាយ ខេ ហ្វាយនែន)

១០. អង្គការ ច័ន្ទ សុខសាន្ត

១១. សមាគមអភិវឌ្ឍន៍កសិកម្ម និងទេសចរណ៍

អត្ថបទ៖ ឈាង.