ភ្នំព្រះ នឹងក្លាយជារមណីយដ្ឋានធម្មជាតិ ប្រវត្តិសាស្ត្រ និងវប្បធម៌

2018-06-22 04:43:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មិនយូរប៉ុន្មានភ្នំព្រះដែលស្ថិតនៅទីស្ងាត់ជ្រងំដាច់ឆ្ងាយពីភូមិឋានពលរដ្ឋ នឹងក្លាយទៅជាទីទាក់ទាញបែបទេសចរណ៍មួយ។ បច្ចុប្បន្ន សហគមន៍ព្រៃឈើភ្នំព្រះ កំពុងអភិរក្សនិងអភិវឌ្ឍទៅជារមណីយដ្ឋានទេសចរណ៍ធម្មជាតិ ប្រវត្តិសាស្ត្រនិងវប្បធម៌ហើយ។ គម្រោងនេះ រួមមានការបង្កើនការថែរក្សា ការពារព្រៃឈើ សត្វព្រៃ ជីវចម្រុះ ការដាំឈើបន្ថែម ការស្ថាបនាហេដ្ឋារចនាសម្ព័ន្ធនានា និងការជំរុញផ្សព្វផ្សាយទាក់ទាញភ្ញៀវជាតិ-បរទេស។

ភ្នំព្រះ/ រូបភាព៖ រស្មីកម្ពុជា

លោក ដុំឈាង នាយរងសង្កាត់រដ្ឋបាលព្រៃឈើថ្មពួក បានប្រាប់កាលពីថ្ងៃទី២១ ខែមិថុនាថា សហគមន៍ព្រៃឈើភ្នំព្រះមានទីតាំងក្នុងភូមិសាស្ត្រឃុំថ្មពួក និងឃុំគោកកឋិន ស្រុកថ្មពួក មានចម្ងាយពី៧ទៅ៨គីឡូម៉ែត្រភាគឦសានទីប្រជុំជនស្រុកថ្មពួក ឬជាង៥០គីឡូម៉ែត្រភាគឦសានទីប្រជុំជនខេត្តបន្ទាយមានជ័យ។ ភ្នំព្រះមានផ្ទៃដីទំហំ១២៦២ហិកតា ហើយត្រូវបង្កើតឡើង និងទទួលដោយរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទនៅឆ្នាំ២០០៥។

សត្វព្រៃនៅលើភ្នំព្រះ/ រូបភាព៖ រស្មីកម្ពុជា

សហគមន៍ព្រៃឈើភ្នំព្រះ ត្រូវបែងចែកឲ្យចូលរួមទទួលខុសត្រូវ និងអភិរក្សដោយសហគមន៍តូចៗចំនួន៤ មកពី៤ឃុំនៅជុំវិញ។ សហគមន៍នេះមានសមាជិកជាង២៥០០នាក់ដូចជា សហគមន៍ព្រៃឈើភ្នំព្រះថ្មពួក សហគមន៍ព្រៃឈើភ្នំព្រះបន្ទាយឆ្មារ សហគមន៍ព្រៃឈើភ្នំព្រះគោកឋិន និងសហគមន៍ព្រៃឈើភ្នំព្រះភូមិថ្មី៕

ប្រភព៖ រស្មីកម្ពុជា ប្រែសម្រួល៖ ឈាង.