កម្ពុជា បញ្ជូនបេសកជនទៅផ្តល់ការបំភ្លឺជូន EU

2018-06-28 06:28:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេស និងសហប្រតិបត្តិការអន្តរជាតិ បានប្រកាសឱ្យដឹងនៅថ្ងៃទី២៨ ខែមិថុនា ឆ្នាំ២០១៨នេះថា ខ្លួនបានចាត់បញ្ជូនបេសកកម្មពិសេសមួយទៅកាន់សហភាពអឺរ៉ុប (EU) ក្នុងគោលបំណងផ្តល់នូវការបំភ្លឺជូនមន្រ្តីជាន់ខ្ពស់សំខាន់ៗរបស់គណៈកម្មការអឺរ៉ុប ប្រធានគណៈកម្មាធិការកិច្ចការបរទេសរបស់សភាអឺរ៉ុប និងឥស្សរជនសំខាន់ៗផ្សេងទៀត អំពីសភាពការណ៍ពិតនៅកម្ពុជា។ បេសកកម្មនេះ ដឹកនាំដោយ លោក សុក ស៊ីផាន់ណា ទីប្រឹក្សារាជរដ្ឋាភិបាល ចាប់ពីថ្ងៃទី១៨ ខែមិថុនា ដល់ថ្ងៃទី០១ ខែវិច្ឆិកា ឆ្នាំ២០១៨។

ទីស្នាក់ការគណៈកម្មការអឺរ៉ុប នៅក្រុងប្រ៊ុចហ្សែល ប្រទេសបែលហ្សិក (រូបថត៖ Reuters)

ទឡ្ហីករណ៍សំខាន់ៗដែលជាមូលដ្ឋានរបស់បេសកកម្មនេះ មាននៅក្នុងឯកសារជូនភ្ជាប់ជាមួយជាភាសាអង់គ្លេស និងបារាំង ដែលត្រូវបានប្រគល់ជូនឥស្សរជន ក្នុងរាល់ជំនួបរបស់បេសកកម្ម។ ឯកសារជាភាសាខ្មែរ នឹងចែកជូនក្នុងពេលឆាប់ៗនេះ។

ក្រសួងការបរទេស នឹងបង្ហាញអំពីលទ្ធផលការងាររបស់បេសកកម្មនេះ តាមពេលវេលាសមស្របនៅពេលក្រោយ។

ចុចអានអត្ថបទ៖ កម្ពុជា វ៉ាដាច់តៃវ៉ាន់ ក្លាយជាប្រទេសនាំចេញកង់ដ៏ធំបំផុត ទៅកាន់ទីផ្សារ EU

អត្ថបទ៖ លីហៀង