Tesla កំពុងបញ្ជូននាវាមុជទឹកខ្នាតតូចទៅថៃ ដើម្បីជួយដល់ការសង្រ្គោះក្មេងៗពីក្នុងល្អាង

2018-07-09 02:36:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយកប្រតិបត្តិក្រុមហ៊ុន Tesla លោក Elon Musk បានសរសេរនៅក្នុងបណ្តាញសង្គមTwitterរបស់លោកថា «នាវាមុជទឹកទំហំតូច» ត្រូវបានបញ្ជូនទៅកាន់ប្រទេសថៃ និងអាចទៅដល់ក្នុងរយៈពេល១៧ម៉ោងខាងមុខ។

លោក Elon Musk ថ្លែងនាពេលកន្លងមក។ រូបភាព៖ Reuters

លោក បានបន្តទៀតថា «ក្រោយទទួលបានឆ្លើយតបពីរដ្ឋាភិបាលថៃ ក្រុមវិស្វករ បានសម្រេចចិត្តបង្កើតនាវាមុជទឹកទំហំតូច ដែលផលិតដោយប្រើផ្នែកខ្លះនៃគ្រាប់រ៉ុកកែត Falcon 9»។ លោកបន្ត «នាវាមុជទឹកដែលមានសមត្ថភាពផ្ទុកមនុស្សបានដល់ទៅ២នាក់នេះ គឺតូចល្មម អាចឆ្លងកាត់ប្រហោងតូចៗនៅក្នុងរូងភ្នំបានយ៉ាងងាយ។ នាវានេះដែរ បានបំពាក់ជាមួយនឹងបំពង់អុកស៊ីសែន និងមានក្បាលរាងស៊ីឡាំង ដែលអាចការពារពីការប៉ះទង្គិចជាមួយនឹងផ្ទាំងថ្ម។»

គួរបញ្ជាក់ថា ការលើកឡើងរបស់លោក Elon គឺធ្វើឡើង ក្រោយពីមន្ត្រីថៃ និងអាមេរិក បានបញ្ជាក់កាលពីថ្ងៃអាទិត្យម្សិលមិញថា ក្មេងប្រុស៤ នាក់ ត្រូវបានជួយសង្គ្រោះចេញពីរូងភ្នំ និង៨ នាក់ផ្សេងទៀតកំពុងរង់ចាំការជួយសង្គ្រោះជាបន្តបន្ទាប់៕

សូមទស្សនាវីដេអូខាងក្រោម៖