រថយន្តលោកពូទីន ត្រូវបានបញ្ជូនទៅកាន់ហ្វាំងឡង់ មុនជំនួបកំពូលជាមួយលោក ត្រាំ

2018-07-13 04:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថយន្ត Limousine របស់លោកប្រធានាធិបតីរុស្ស៊ី លោក វ៉្លាឌីមៀ ពូទីន ត្រូវបានបញ្ជូនទៅកាន់ប្រទេសហ្វាំងឡង់ នៅមុនជំនួបកំពូលរវាងប្រធានាធិបតីរុស្ស៊ី និងសមភាគីអាមេរិក លោក ដូណាល់ត្រាំ ដែលនឹងត្រូវធ្វើឡើង នាថ្ងៃទី ១៦ កក្កដា ឆ្នាំ២០១៨ខាងមុខ។ នេះបើតាមការចុះផ្សាយរបស់សារព័ត៌មានហ្វាំងឡង់ Ilta-Sanomat កាលពីថ្ងៃទី ១២ កក្កដា ឆ្នាំ២០១៨ម្សិលមិញ។

រថយន្ត Limousine របស់លោកប្រធានាធិបតីរុស្ស៊ី ពូទីន

រថយន្ត Limousine នេះ ត្រូវបានបញ្ជូនទៅកាន់ប្រទេសហ្វាំងឡង់ តាមរយៈយន្តហោះ II-76 មួយគ្រឿង។ រូបភាពរបស់រថយន្តនេះ ត្រូវគេថតបាន នៅក្បែរអាកាសយានដ្ឋាន Helsinki ក្នុងទីក្រុង Helsinki ប្រទេសហ្វាំងឡង់។

គួរបញ្ជាក់ថា រថយន្ត Limousine នេះ គឺជាផ្នែកមួយនៃគម្រោងផលិតរថយន្តក្នុងស្រុក សម្រាប់ក្រុមមន្ត្រីជាន់ខ្ពស់រុស្ស៊ី ដែលត្រូវបានចាប់ផ្ដើម តាំងពីឆ្នាំ២០១៣មកម្ល៉េះ ជាមួយកញ្ចប់ថវិការដ្ឋជាង១៩៧ លានដុល្លារ។

លោកពូទីន ធ្លាប់ជិះរថយន្តនេះជាលើកដំបូង អំឡុងពិធីស្បថចូលកាន់តំណែងជាប្រធានាធិបតី កាលពីថ្ងៃទី ០៧ ឧសភា ឆ្នាំ២០១៨កន្លងទៅ

លោកពូទីន បានជិះរថយន្តនេះជាលើកដំបូង អំឡុងពិធីស្បថចូលកាន់តំណែងជាប្រធានាធិបតី កាលពីថ្ងៃទី ០៧ ឧសភា ឆ្នាំ២០១៨កន្លងទៅ។ ចាប់តាំងពីពេលនោះមក ប្រមុខរដ្ឋរូបនេះ ចាប់ផ្ដើមប្រើប្រាស់រថយន្តប្រភេទនេះ ដើម្បីធ្វើចរាចរណ៍ទៅមក នៅក្នុងទីក្រុងមូស្កូ៕

អត្ថបទទាក់ទង៖