រូបប្រធានាធិបតីក្រូអាតស្លៀកប៊ីគីនី ដែលកំពុងល្បី ជារូបពិត ឬយ៉ាងណា?
- 2018-07-17 06:52:23
- ចំនួនមតិ 0 | ចំនួនចែករំលែក 0
រូបប្រធានាធិបតីក្រូអាតស្លៀកប៊ីគីនី ដែលកំពុងល្បី ជារូបពិត ឬយ៉ាងណា?
ចន្លោះមិនឃើញ
បន្ទាប់ពីក្រូអាតអាចឡើងទៅដល់វគ្គផ្ដាច់ព្រ័ត្រ ពិភពលោកបាននាំគ្នាងាកមកចាប់អារម្មណ៍ជាខ្លាំងចំពោះប្រទេសតូចមួយនេះ។ ក្នុងនោះក៏មានការចាប់អារម្មណ៍ផងដែរទៅលើលោកស្រីប្រធានាធិបតីក្រូអាត Kolinda Grabar Kitarovic ជាពិសេសរឿងស្លៀកឈុតប៊ីគីនីនៅលើឆ្នេរសមុទ្រ។ តើនេះជារូបពិតរបស់លោកស្រី Kolinda មែនឬទេ?
បើយោងតាមសារព័ត៌មាន Catchnews បានទម្លាយឲ្យដឹងថា បើតាមពិតទៅ រូបស្ត្រីដែលស្លៀកឈុតប៊ីគីនីនេះ គឺជាតារាម៉ូឌែលសញ្ជាតិអាមេរិកម្នាក់ឈ្មោះ Coco Austin ដែលជាភរិយាតារារ៉េប Ice T។ ប្រភពដដែលនេះ បញ្ជាក់ថា រូបទាំងអស់នេះរបស់ Coco ធ្លាប់ល្បីលើបណ្ដាញសង្គមម្ដងរួចមកហើយកាលពី២ឆ្នាំមុន។
សូមបញ្ជាក់ថា លោកស្រីប្រធានាធិបតីក្រូអាតវ័យ៥០ឆ្នាំ ត្រូវបានរងការចោទប្រកាន់ស្រដៀងគ្នាជាច្រើនលើកមកហើយនាពេលកន្លងទៅ។ តួយ៉ាង កាលពី១០ឆ្នាំមុន លោកស្រី Kolinda ត្រូវបានទស្សនាវដ្ដីមួយនៅស៊ែប៊ី ចុះផ្សាយថាបានសម្ដែងនៅក្នុងរឿងអាសអាភាស។ ប៉ុន្តែការពិតត្រូវបានលាតត្រដាង ដោយការពិតតួសម្ដែងនៅក្នុងរឿងក្ដៅសាច់នោះគឺជាតារាស្រីម្នាក់ឈ្មោះ Diamond Foxxx មិនមែនជាលោកស្រី Kolinda ទេ។
លោកស្រី Kolinda គឺប្រធានាធិបតីវ័យក្មេងបំផុតនៅក្នុងប្រទេសក្រូអាត ហើយថែមទាំងជាស្ត្រីម្នាក់គត់ ដែលអាចកាន់តំណែងកំពូលនេះបាន។ មុនឡើងជាប្រធានាធិបតីនៅឆ្នាំ២០១៥ លោកស្រីគឺជារដ្ឋមន្ត្រីក្រសួងការបរទេសរបស់ក្រូអាត៕