លោក ត្រាំ គ្រោងអញ្ជើញលោកពូទីនទៅកាន់ទីក្រុងវ៉ាស៊ីនតោន

2018-07-20 02:08:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យសេតវិមានអាមេរិក លោកស្រី Sarah Sanders បានសរសេរនៅក្នុង Twitter កាលពីថ្ងៃ១៩ កក្កដា ឆ្នាំ២០១៨ ម្សិលមិញថា លោកប្រធានាធិបតីអាមេរិក ដូណាល់ ត្រាំ បានប្រាប់ទីប្រឹក្សាសន្តិសុខជាតិ លោក John Bolton ឲ្យអញ្ជើញលោកប្រធានាធិបតីរុស្ស៊ី វ្ល៉ាាឌីមៀ ពូទីន ទៅកាន់ទីក្រុងវ៉ាស៊ីនតោន នារដូវស្លឹកឈើជ្រុះ (ចាប់ពីថ្ងៃទី២២ កញ្ញា ទៅដល់ថ្ងៃទី២១ ធ្នូ) ឆ្នាំ២០១៨នេះ។

លោកស្រី Sarah ថ្លែងនាពេលកន្លងមក។ រូបថត៖ Reuters

លោកស្រី Sarah បានបន្តថា លោកត្រាំ បានយល់ព្រមបន្តកិច្ចពិភាក្សាកម្រិតការងារបន្តបន្ទាប់ទៀត រវាងសមាជិកក្រុមប្រឹក្សាសន្តិសុខនៃប្រទេសទាំង២។

គួររម្លឹកថា លោក ត្រាំ និងលោក ពូទីន កាលពីថ្ងៃទី១៦ ខែកក្កដា ២០១៨ កន្លងទៅ បានជួបចរចាគ្នាជាលើកដំបូង ក្នុងជំនួបកំពូល នាក្រុង Helsinki ប្រទេសហ្វាំងឡង់៕

អត្ថបទទាក់ទង៖

ប្រភព៖ Xinhua ប្រែសម្រួល៖ អឹុម ម៉េងស៊ាង

ពាក្យទាក់ទង

ភ្ជាប់ទំនាក់ទំនងជាមួយ