សម្ដេច ហ៊ុន សែន ជូនកាដូ២ឲ្យពលរដ្ឋក្នុងថ្ងៃតែ១

2018-08-01 04:31:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដើម្បីជាការអបអរដល់ជោគជ័យសេដ្ឋកិច្ចសង្គម និងនយោបាយរបស់កម្ពុជា សម្ដេចនាយករដ្ឋមន្ត្រី ហ៊ុន សែន បានប្រកាសថា សម្ដេចនឹងជូនកាដូចំនួន ២ ទៅឲ្យប្រជាពលរដ្ឋ។ ការប្រកាសរបស់សម្ដេច ធ្វើឡើងនៅក្នុងពិធីសម្ពោធដាក់ឲ្យប្រើប្រាស់ស្ថានីយដឹកអ្នកដំណើរតាមផ្លូវទឹក នៅខណ្ឌឫស្សីកែវ រាជធានីភ្នំពេញ នៅព្រឹកថ្ងៃទី១ ខែសីហា ឆ្នាំ២០១៨។

កាដូទាំង២នោះមានដូចជា៖

ការជិះកាណូតពីព្រែកព្នៅ-ភ្នំពេញ-តាខ្មៅ នឹងត្រូវពន្យារពេលយកប្រាក់រហូតដល់ដំណាច់ឆ្នាំ២០១៨ ពោលគឺប្រជាពលរដ្ឋនៅតែអាចបន្តការជិះកាណូតដោយឥតគិតថ្លៃបានដដែល
ផ្លូវរថភ្លើងពីភ្នំពេញ-ប៉ោយប៉ែត និងពីប៉ោយប៉ែត-ភ្នំពេញ នឹងត្រូវលើកពេលយកប្រាក់រហូតដល់ខែមករា ឆ្នាំ២០១៩ខាងមុខ

សូមបញ្ជាក់ថា កន្លងមក ក្រសួងសាធារណការ និងដឹកជញ្ជូន ធ្លាប់បានដាក់ឲ្យប្រើប្រាស់ជាបណ្ដោះអាសន្ននូវការដឹកអ្នកដំណើរតាមផ្លូវទឹកព្រែកព្នៅ-ភ្នំពេញ-តាខ្មៅ ដោយឥតគិតថ្លៃ ចាប់ពីថ្ងៃទី៦ ខែមេសា ដល់ថ្ងៃទី១ ខែសីហា ឆ្នាំ២០១៨។ ការធ្វើដំណើរនេះ បានប្រើប្រាស់កាណូតចំនួន ៤គ្រឿង (២គ្រឿងទិញពីវៀតណាម និង២គ្រឿងជួលពីក្រុមហ៊ុន Royal Express Boat) ដែលមានសមត្ថភាពដឹកមនុស្សបានពី ៥៤ ដល់ ៦០នាក់ ក្នុងល្បឿនមធ្យម ៤០គីឡូម៉ែត្រក្នុង១ម៉ោង។

ចំណែកឯផ្លូវរថភ្លើងភ្នំពេញ-ប៉ោយប៉ែត ក៏ធ្លាប់ត្រូវបានក្រសួងសាធារណការ ដាក់ដំណើរឲ្យប្រើប្រាស់ឥតគិតថ្លៃផងដែរ ចាប់ពីថ្ងៃទី៤ ខែមេសា រហូតដល់ថ្ងៃទី៣១ ខែកក្កដា ឆ្នាំ២០១៨។ ការធ្វើដំណើរតាមរថភ្លើងនេះ ក្រសួងអនុញ្ញាតឲ្យផ្ទុកមនុស្ស ១០០នាក់ ទាំងឈរ និងអង្គុយ ហើយផ្តល់សេវាមួយថ្ងៃ ០៣ជុំ ស្មើនឹង០៦ ជើងទៅមក៕

អត្ថបទពាក់ព័ន្ធ៖