បច្ចុប្បន្ននេះ កម្ពុជា មានស្ថានទូតនៅប្រទេសណាខ្លះ?
- 2018-08-10 07:25:17
- ចំនួនមតិ 0 | ចំនួនចែករំលែក 0
បច្ចុប្បន្ននេះ កម្ពុជា មានស្ថានទូតនៅប្រទេសណាខ្លះ?
ចន្លោះមិនឃើញ
យោងតាមប្រភពពីក្រសួងការបរទេស និងសហប្រតិបត្តិការអន្តរជាតិ ឱ្យដឹងថា គិតមកត្រឹមខែសីហា ឆ្នាំ២០១៨នេះ កម្ពុជា បានដាក់ស្ថានឯកអគ្គរាជទូតនៅតាមប្រទេសមួយចំនួនដូចខាងក្រោមនេះ៖
២. ស្ថានទូតកម្ពុជា នៅក្រុងប្រុចសែល ប្រទេសបែលហ្សិក៖ សម្រាប់ទំនាក់ទំនងជាមួយប្រទេសបែលហ្សិក អូទ្រីស ហុល្លង់ សហភាពអឺរ៉ុប និងលុចហ្សំបួ។
៣. ស្ថានទូតកម្ពុជា ប្រចាំប្រទេសប្រ៊ុយណេ មានទីតាំងនៅក្រុងបង់ដាសេរីបេកាវ៉ាន់។
៤. ស្ថានទូតកម្ពុជា ប្រចាំប្រទេសចិន មានទីតាំងនៅក្រុងប៉េកាំង។ ក្រៅពីនេះ កម្ពុជា ក៏មានស្ថានអគ្គកុងស៊ុលចំនួន៧ផងដែរ នៅប្រទេសចិនគឺនៅឆុងឆេង (Chongqing), ក្វាងចូវ, ហុងកុង, គុនមីង, ណាននីង, សៀងហៃ និងស៊ីអាន។
៥. ស្ថានទូតកម្ពុជា ប្រចាំប្រទេសគុយបា មានទីតាំងនៅក្រុងហាវ៉ាណា។
៦. ស្ថានទូតកម្ពុជា នៅក្រុងហ្គីសា ប្រទេសអេហ្ស៊ីប៖ សម្រាប់ទំនាក់ទំនងជាមួយប្រទេសអេហ្ស៊ីប និងអ៊ីស្រាអែល។
៧. ស្ថានទូតកម្ពុជា នៅក្រុងប៉ារីស ប្រទេសបារាំង៖ សម្រាប់ទំនាក់ទំនងជាមួយប្រទេសបារាំង កោះស៊ីប ក្រិច អ៊ីតាលី ម៉ាល់តា ព័រទុយហ្គាល់ ស៊ែប៊ី អេស្ប៉ាញ និងអង់ដូរ៉ា។ (សម្រាប់ស៊ែប៊ី ពេលនេះ កម្ពុជា សម្រេចដាក់ស្ថានទូតក្នុងប្រទេសនេះហើយ)។ កម្ពុជា ក៏មានស្ថានបេសកកម្មអចិន្រៃ្តយ៍ប្រចាំអង្គការយូណេស្កូ នៅក្រុងប៉ារីសផងដែរ។
៨. ស្ថានទូតកម្ពុជា នៅក្រុងប៊ែរឡាំង ប្រទេសអាល្លឺម៉ង់៖ សម្រាប់ទំនាក់ទំនងជាមួយប្រទេសអាល្លឺម៉ង់ សាធារណរដ្ឋឆេក ហុងគ្រី ប៉ូឡូញ ស្លូវ៉ាគី និងស្លូវ៉េនី។
៩.ស្ថានទូតកម្ពុជា នៅក្រុងញ៊ូវដេលី ប្រទេសឥណ្ឌា៖ សម្រាប់ទំនាក់ទំនងជាមួយប្រទេសឥណ្ឌា បង់ក្លាដែស ស្រីលង្កា ប៉ាគីស្ថាន និងអ៊ីរ៉ង់។
១០. ស្ថានទូតកម្ពុជា នៅក្រុងហ្សាការតា ប្រទេសឥណ្ឌូណេស៊ី។ កម្ពុជា ក៏មានស្ថានបេសកកម្មអចិន្រៃ្តយ៍ប្រចាំអាស៊ាន នៅក្រុងនេះផងដែរ។
១១. ស្ថានទូតកម្ពុជា ប្រចាំនៅប្រទេសជប៉ុន មានទីតាំងនៅក្រុងតូក្យូ។
១២. ស្ថានទូតកម្ពុជា នៅប្រទេសគូវែត៖ សម្រាប់ទំនាក់ទំនងជាមួយប្រទេសគូវែត បារ៉ែន កាតារ អារ៉ាប់រួម និងអូម៉ង់។
១៣. ស្ថានទូតកម្ពុជា ប្រចាំនៅប្រទេសកូរ៉េខាងជើង មានទីតាំងនៅក្រុងព្យុងយ៉ាង។
១៤. ស្ថានទូតកម្ពុជា ប្រចាំនៅប្រទេសកូរ៉េខាងត្បូង មានទីតាំងនៅក្រុងសេអ៊ូល។
១៥. ស្ថានទូតកម្ពុជា ប្រចាំនៅប្រទេសឡាវ មានទីតាំងនៅក្រុងវៀងចន្ទន៍។ កម្ពុជា ក៏មានស្ថានអគ្គកុងស៊ុល ប្រចាំនៅក្រុងប៉ាក់សេ ខេត្តចម្ប៉ាសាក់ ផងដែរ។
១៦. ស្ថានទូតកម្ពុជា ប្រចាំនៅប្រទេសម៉ាឡេស៊ី មានទីតាំងនៅក្រុងគូឡាឡាំពួរ។
១៧. ស្ថានទូតកម្ពុជា ប្រចាំនៅប្រទេសមីយ៉ាន់ម៉ា មានទីតាំងនៅក្រុងយ៉ង់ហ្គូន។
១៨. ស្ថានទូតកម្ពុជា ប្រចាំនៅប្រទេសហ្វីលីពីន មានទីតាំងនៅក្រុងម៉ានីល។
១៩. ស្ថានទូតកម្ពុជា នៅក្រុងមូស្គូ ប្រទេសរុស្ស៊ី៖ សម្រាប់ទំនាក់ទំនងជាមួយប្រទេសរុស្ស៊ី បេឡារុស ប៊ុលការី អេស្តូនី ឡាតវី លីទុយអានី និងរ៉ូម៉ានី។ (សម្រាប់ប៊ុលការី កម្ពុជា បានសម្រេចដាក់ស្ថានទូតក្នុងប្រទេសនេះហើយ)
២០. ស្ថានទូតកម្ពុជា ប្រចាំនៅប្រទេសសិង្ហបុរី។
២១. ស្ថានទូតកម្ពុជា ប្រចាំនៅប្រទេសស្វីស មានទីតាំងនៅក្រុងហ្សឺណែវ។
២២. ស្ថានទូតកម្ពុជា ប្រចាំនៅប្រទេសថៃ មានទីតាំងនៅក្រុងបាងកក។ កម្ពុជា ក៏មានស្ថានអគ្គកុងស៊ុលនៅខេត្តស្រះកែវ ផងដែរ។
២៣. ស្ថានទូតកម្ពុជា នៅក្រុងឡុងដ៍ ប្រទេសអង់គ្លេស៖ សម្រាប់ទំនាក់ទំនងជាមួយចក្រភពអង់គ្លេស ដាណឺម៉ាក ហ្វាំងឡង់ ណ័រវ៉េ ស៊ុយអ៊ែត អៀរឡង់ និងអេត្យូពី។
២៤. ស្ថានទូតកម្ពុជា ប្រចាំនៅសហរដ្ឋអាមេរិក មានទីតាំងនៅក្រុងវ៉ាស៊ីងតោន។ កម្ពុជា ក៏មានស្ថានបេសកកម្មអចិន្រៃ្តយ៍ប្រចាំអង្គការសហប្រជាជាតិ នៅក្រុងញ៊ូវយ៉កផងដែរ។ លោក ទុយ រី
២៥. ស្ថានទូតកម្ពុជា ប្រចាំនៅប្រទេសវៀតណាម មានទីតាំងនៅក្រុងហាណូយ។ កម្ពុជា ក៏មានស្ថានអគ្គកុងស៊ុល នៅក្រុងហូជីមិញ ផងដែរ។
ក្រៅពីនេះ កម្ពុជា ក៏បានសម្រេចដាក់ស្ថានទូតនៅក្នុងប្រទេសតួកគីផងដែរ៕
អត្ថបទទាក់ទង៖ រាជរដ្ឋាភិបាលបង្កើតស្ថានទូតប្រចាំប្រទេស៣ បន្ថែមទៀត