រាជរដ្ឋាភិបាល ផ្ញើលិខិតអញ្ជើញទៅគណបក្សទាំង១៩ ឱ្យចូលរួមវេទិកាពិគ្រោះយោបល់ហើយ

2018-08-17 06:27:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីស្តីការគណៈរដ្ឋមន្រ្តី បានផ្ញើលិខិតអញ្ជើញទៅគណបក្សទាំង១៩ ដែលមិនទទួលបានអាសនៈក្នុងរដ្ឋសភា ឱ្យចូលរួមក្នុងវេទិកាពិគ្រោះយោបល់ជាមួយរាជរដ្ឋាភិបាលហើយ។ វេទិកានេះ នឹងប្រព្រឹត្តធ្វើឡើងនាព្រឹកថ្ងៃទី២១ ខែសីហា ឆ្នាំ២០១៨ នៅវិមានសន្តិភាព។ នេះបើយោងតាមលិខិតអញ្ជើញដែលចុះហត្ថលេខាដោយ លោក ប៊ិន ឈិន ឧបនាយករដ្ឋមន្រ្តីប្រចាំការ និងជារដ្ឋមន្រ្តីស្តីទីទទួលបន្ទុកទីស្តីការគណៈរដ្ឋមន្រ្តី កាលពីថ្ងៃទី១៦សីហាម្សិលមិញ។

ក្នុងលិខិតនេះ បានឱ្យដឹងថា វេទិកានេះ នឹងពិភាក្សាលើរបៀបវារៈដូចខាងក្រោម៖

១. សុន្ទរកថាបើកវេទិកាដោយសម្តេចនាយករដ្ឋមន្រ្តី ហ៊ុន សែន

២. ការចូលរួមយោបល់ពីគណបក្សនយោបាយនានា

៣. បញ្ហាផ្សេងៗ

៤. ពិសាបាយសាមគ្គី។

លិខិតអញ្ជើញមួយ ក្នុងចំណោមលិខិតទាំង១៩ ដែលត្រូវបានផ្ញើទៅកាន់គណបក្សនយោបាយ

សូមរំលឹកថា កាលពីថ្ងៃទី១៥ ខែសីហាកន្លងទៅ សម្តេច ហ៊ុន សែន បានប្រកាសពីគម្រោងបង្កើតវេទិកាពិគ្រោះយោបល់ជាមួយបណ្តាគណបក្សដែលចូលរួមបោះឆ្នោតដែលមិនទទួលបានអាសនៈ នៅមុនការបង្កើតរាជរដ្ឋាភិបាលថ្មីនាពេលខាងមុខនេះ។ សម្តេចបានមានប្រសាសន៍ថា ការបង្កើតឡើងនូវវេទិកាពិគ្រោះយោបល់នេះ គឺនឹងផ្តល់ប្រយោជន៍ជាច្រើនសម្រាប់កិច្ចការប្រទេសជាតិ ក្នុងនោះគឺរួមទាំងសេចក្តីព្រាងច្បាប់សម្រាប់ប្រើប្រាស់ផងដែរ៕

អត្ថបទទាក់ទង៖