សម្ដេចនាយករដ្ឋមន្ត្រី បង្ហើបពីរង្វាន់ដែលនឹងឲ្យសិស្សនិទ្ទេស A ឆ្នាំ២០១៨

2018-08-23 03:27:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថិតក្នុងពិធីជួបសំណេះសំណាលជាមួយនឹងកម្មកររោងចក្រជាង ១៧០០០នាក់ក្នុងខេត្តកណ្ដាល នាព្រឹកថ្ងៃទី២៣ ខែសីហា ឆ្នាំ២០១៨ សម្ដេច ហ៊ុន សែន បានថ្លែងថា សម្រាប់សិស្សដែលប្រឡងសញ្ញាបត្រមធ្យមសិក្សាទុតិយភូមិជាប់ ហើយទទួលបាននិទ្ទេស A នឹងត្រូវសម្ដេចផ្ដល់ជូននូវកាដូលើកទឹកចិត្តដូចកាលពីឲ្យសិស្សនិទ្ទេស A ឆ្នាំ២០១៧អ៊ីចឹងដែរ។

សូមជម្រាបថា កាលពីឆ្នាំ២០១៧ សិស្សដែលជាប់និទ្ទេស A មានចំនួនសរុប ៤២៤នាក់។ សម្ដេចនាយករដ្ឋមន្ត្រី បានជូនរង្វាន់ឲ្យសិស្សពូកែទាំងនោះនូវថវិកាចំនួន ២លានរៀល ឧបករណ៍ iPad ១គ្រឿង និងប្រាក់កាក់ស្លឹងខ្មែរចំនួន ១។

សកម្មភាពសិស្សចូលរួមប្រឡងបាក់ឌុប ឆ្នាំ២០១៨ នៅមណ្ឌល១កន្លែងក្នុងរាជធានីភ្នំពេញ

គួរបញ្ជាក់ថា ការប្រឡងមធ្យមសិក្សាទុតិយភូមិឆ្នាំ២០១៨ បានប្រព្រឹត្តចប់រួចរាល់កាលពីថ្ងៃទី២០ និង ២១ ខែសីហា ដោយក្នុងនោះមានចំនួនបេក្ខជន ១១៧ ០៦១នាក់ ចែកចេញជា២ក្រុមគឺថ្នាក់វិទ្យាសាស្ត្រ ៥១,៧% និងថ្នាក់វិទ្យាសាស្ត្រសង្គម ៤៨,៣%។ លទ្ធផលបាក់ឌុបលើកនេះ នឹងត្រូវប្រកាសនៅរសៀលថ្ងៃទី១១ ខែកញ្ញា ឆ្នាំ២០១៨ ចំពោះមណ្ឌលនៅភ្នំពេញ និងខេត្តកណ្ដាល។ ដោយឡែក នៅតាមបណ្ដាខេត្តដទៃទៀត នឹងត្រូវប្រកាសនៅព្រឹកថ្ងៃបន្ទាប់៕

ចុចអាន៖

អត្ថបទ៖ ឈាង.