អាជ្ញាធរបញ្ចេញប្លង់ដាំដើមឈើតាមផ្លូវ ក្នុងរាជធានីភ្នំពេញ
- 2018-08-31 09:35:42
- ចំនួនមតិ 0 | ចំនួនចែករំលែក 0
អាជ្ញាធរបញ្ចេញប្លង់ដាំដើមឈើតាមផ្លូវ ក្នុងរាជធានីភ្នំពេញ
ចន្លោះមិនឃើញ
មន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី៣១ ខែសីហានេះ បានបញ្ចេញនូវប្លង់រៀបចំដាំដើមឈើតាមដងផ្លូវក្នុងរាជធានីភ្នំពេញ។ ទោះជាយ៉ាងណាប្លង់ដែលមន្ទីរសាធារណការ បង្ហោះនៅលើទំព័រហ្វេសប៊ុករបស់ខ្លួននេះ មិនបានបញ្ជាក់ពីឈ្មោះផ្លូវក្នុងប្លង់ទាំងនេះឡើយ។
ការបញ្ចេញប្លង់ដាំដើមឈើនេះ ក្រោយពេលដែលរដ្ឋបាលរាជធានីភ្នំពេញ មានគម្រោងដាំដើមឈើ ឱ្យបានច្រើនក្នុងរាជធានីភ្នំពេញ ដោយគម្រោងនេះ ត្រូវបានលើកឡើងក្នុងកិច្ចប្រជុំស្ដីពី "ការរៀបចំ Master Plan ដាំដើមឈើក្នុងរាជធានីភ្នំពេញ" កាលពីខែមករា ឆ្នាំ២០១៨។
លោក ឃួង ស្រេង អភិបាលរាជធានីភ្នំពេញ បានថ្លែងក្នុងកិច្ចប្រជុំនោះថា ការដាំដើមឈើក្នុងទីក្រុង គឺជាការលើកកម្ពស់សោភ័ណភាពទីក្រុងផង និងជាការរួមចំណែកកាត់បន្ថយការបំពុលបរិស្ថានដែលកើតចេញពីយានជំនិះប្រចាំថ្ងៃផង ដូច្នេះទាំងការងារបច្ចេកទេស និងការដាំដើមឈើត្រូវដាំនៅតាមដងផ្លូវនានាក្នុងរាជធានីភ្នំពេញ៕
ខាងក្រោមនេះ គឺជាប្លង់រៀបចំដាំដើមឈើតាមដងផ្លូវក្នុងរាជធានីភ្នំពេញ៖
អត្ថបទទាក់ទង៖ អាជ្ញាធរ គ្រោងដាំដើមឈើនៅភ្នំពេញ ដើម្បីបញ្ចេញអុកស៊ីសែន សម្រាប់មនុស្ស