ស៊ី ជីនពីង៖ ចិនចង់សហការជាមួយប្រទេសដទៃទៀតក្នុងឧស្សហកម្មបញ្ញាសិប្បនិមិត្ត

2018-09-18 04:25:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជីនពីង ប្រធានាធិបតីចិន កាលពីថ្ងៃទី១៧ ខែកញ្ញា ២០១៨ ម្សិលមិញ បានបញ្ជាក់ថា ប្រទេសចិនមានឆន្ទៈ ដើម្បីធ្វើការជាមួយប្រទេសផ្សេងទៀតក្នុងវិស័យបញ្ញាសិប្បនិមិត្ត ដើម្បីលើកកម្ពស់ការអភិវឌ្ឍ ការការពារសន្ដិសុខ និងចែករំលែកលទ្ធផលរួម។

រូបភាព៖ CGTN

ការលើកឡើងរបស់លោក ស៊ី ជីនពីង ដូច្នេះ បានធ្វើឡើងក្នុងសារលិខិតអបអរសាទរពិធីបើកសន្និសីទបញ្ញាសិប្បនិមិត្តពិភពលោក នៅក្រុងសៀងហៃ។

លោក ស៊ី បានចង្អុលបង្ហាញថា បញ្ញាសិប្បនិមិត្តជំនាន់ថ្មីកំពុងលូតលាស់ពាសពេញពិភពលោក ដោយកំពុងបញ្ចូលបាតុភូតថ្មីទៅក្នុងការអភិវឌ្ឍសេដ្ឋកិច្ច និងសង្គម និងការផ្លាស់ប្ដូរស៊ីជម្រៅនៃផលិតភាពរបស់មនុស្ស និងរបៀបរបបរស់នៅ។

ប្រទេសទាំងអស់គួរពង្រឹងកិច្ចសហប្រតិបត្តិការ និងដោះស្រាយបញ្ហាថ្មីៗនានា ដែលបណ្ដាលមកពីបញ្ញាសិប្បនិមិត្តក្នុងច្បាប់ សន្ដិសុខ វិជ្ជាជីវៈ ក្រមសីលធម៌ ហើយវិស័យអភិបាលកិច្ចរដ្ឋាភិបាលរួមគ្នាទាញយកកាលានុវត្តភាពការអភិវឌ្ឍនេះ។ លោក ស៊ី ជីនពីង បន្ថែម។

លោកបន្ដទៀតថា ចិនប្ដេជ្ញាដើម្បីសម្រេចការអភិវឌ្ឍមានគុណភាពខ្ពស់ ហើយការអភិវឌ្ឍ និងកម្មវិធិបញ្ញាសិប្បនិមិត្ត នឹងលើកស្ទួយយ៉ាងមានប្រសិទ្ធភាពកម្រិតនៃបញ្ញានៅក្នុងការអភិវឌ្ឍសេដ្ឋកិច្ច និងសង្គម និងជំរុញសមត្ថភាពនានាក្នុងសេវាសាធារណៈ និងការគ្រប់គ្រងនគរូបនីយកម្ម។

លោកបញ្ជាក់ទៀតថា ចិនមានឆន្ទៈបន្ដការផ្លាស់ប្ដូរ និងកិច្ចសហប្រតិបត្តិការនានាជាមួយប្រទេសដទៃទៀត ក្នុងវិស័យជាច្រើននៃការផ្លាស់ប្ដូរបច្ចេកវិទ្យា ការចែករំលែកទិន្នន័យ និងកម្មវិធីទីផ្សារ ដើម្បីចែករំលែកឱកាសសម្រាប់ការអភិវឌ្ឍនៃសេដ្ឋកិច្ចឌីជីថល៕