ក្រសួងការពាររុស្ស៊ី បញ្ជាក់ប្រទេសដែលបាញ់ទម្លាក់យន្តហោះរបស់ខ្លួននៅស៊ីរី

2018-09-18 08:57:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការពារជាតិរុស្ស៊ី នៅរសៀលថ្ងៃទី១៨ ខែកញ្ញា ២០១៨នេះ បានបញ្ជាក់ថា យន្តហោះស៊ើបការណ៍របស់ខ្លួន ១គ្រឿង ត្រូវបានប្រព័ន្ធការពារមីស៊ីល S-200 របស់ស៊ីរីបាញ់ទម្លាក់ ក្នុងពេលយន្តហោះចម្បាំងអ៊ីស្រាអែល ៤គ្រឿង វាយប្រហារនៅក្នុងខេត្ត Latakia។ ក្រសួងការពាររុស្សីបញ្ជាក់ថា ក្រុងមូស្គូរក្សាសិទ្ធិក្នុងការឆ្លើយតបជាបន្តបន្ទាប់។

យន្តហោះស៊ើបការណ៍រុស្ស៊ី ប្រភេទ Il-20

នៅល្ងាចថ្ងៃទី១៧ ខែកញ្ញា ២០១៨ ម្សិលមិញ យន្តហោះចម្បាំង F-16 ចំនួន ៤គ្រឿងរបស់អ៊ីស្រាអែលបានវាយប្រហារគោលដៅនានា ក្នុងខេត្ត Lakakia។ ការវាយប្រហារនេះ បន្ទាប់ពីមានបញ្ហាតូចមួយ ហើយបង្កើតទៅជាស្ថានភាពគ្រោះថ្នាក់សម្រាប់យន្ដហោះយោធា និងនាវាចម្បាំងជាច្រើននៅក្នុងតំបន់នោះ។ នេះបើតាមក្រសួងការពារជាតិរុស្ស៊ី។

ក្រសួងការពារជាតិរុស្ស៊ីបានបញ្ជាក់ទៀតថា នាវាចម្បាំងរបស់បារាំង ក៏ដូចជាយន្តហោះស៊ើបការណ៍រុស្ស៊ី ប្រភេទ Il-20 ក៏បានធ្វើប្រតិបត្តិការនៅតំបន់នោះផងដែរ។ "ពីឡុតអ៊ីស្រាអែលបានប្រើយន្ដហោះរុស្ស៊ី ជារនាំង និងរៀបចំវាយប្រហារលើមូលដ្ឋានកងទ័ពអាកាសស៊ីរី។ ជាលទ្ធផល យន្តហោះស៊ើបការរុស្ស៊ី ដែលមានទំហំឆ្លងកាត់រ៉ាដាធំជាងយន្តហោះចម្បាំង F-16 ត្រូវបានបាញ់ទម្លាក់ដោយប្រព័ន្ធការពារមីស៊ីល S-200”៕

ប្រភព៖ RT ប្រែសម្រួល៖ វាសនា