ជំនួបមេដឹកនាំកូរ៉េទាំង២ ទទួលបានផ្លែផ្កាហើយ

2018-09-19 03:54:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី១៩ ខែកញ្ញា ឆ្នាំ២០១៨នេះ លោកប្រធានាធិបតីកូរ៉េខាងត្បូង មូន ចេអ៊ីន និងមេដឹកនាំកូរ៉េខាងជើង គីម ជុងអ៊ុន បានចុះហត្ថលេខាលើកិច្ចព្រមព្រៀងមួយ ស្តីពីការលុបបំបាត់នុយក្លេអ៊ែរ នៅឧបទ្វីបកូរ៉េ។ កូរ៉េខាងជើង យល់ព្រមបិទជាអចិន្ត្រៃយ៍ នូវទីតាំងធ្វើតេស្តមីស៊ីល Thongchang-ri និងទីតាំងបាញ់បង្ហោះមីស៊ីល។

លោក មូន ចេអ៊ីន ចាប់ដៃលោក គីម ជុងអ៊ុន ក្រោយចុះហត្ថលេខាលើកិច្ចព្រមព្រៀង លុបបំបាត់នុយក្លេអ៊ែរនៅឧបទ្វីបកូរ៉េ នៅថ្ងៃទី១៩កញ្ញានេះ (រូបថត៖ Reuters)

ជាមួយគ្នានេះ ភាគីទាំង២ ក៏បានលើកពីគម្រោង ៣ផ្សេងទៀតផងដែរ។ ក្នុងនោះរួមមាន៖

១- គម្រោងតភ្ជាប់ផ្លូវដែក ដើម្បីអនុញ្ញាតឲ្យក្រុមគ្រួសារកូរ៉េជាច្រើនបានជួបជុំគ្នា និងដើម្បីបង្កើតកិច្ចសហប្រតិបត្តិការលើការគាំពារសុខភាពប្រជាជន។

២- លោក គីម ជុងអ៊ុន គ្រោងធ្វើទស្សនកិច្ចផ្លូវការនាពេលដ៏ខ្លីខាងមុខ ទៅកាន់ក្រុងសេអ៊ូល ជាលើកដំបូង។

៣- កូរ៉េទាំងពីរ គ្រោងសហការធ្វើជាម្ចាស់ផ្ទះព្រឹត្តិការណ៍កីឡាអូឡាំពិកឆ្នាំ២០៣២។

សូមជម្រាបថា លទ្ធផលនៃកិច្ចប្រជុំនេះ អាចសម្រេចទៅបាន អំឡុងការដំណើរទស្សនកិច្ចរបស់លោក មូន ចេអ៊ីន ទៅកាន់ក្រុងព្យុងយ៉ាង រយៈពេល៣ថ្ងៃ ចាប់ពីថ្ងៃទី១៨ ដល់ ១៩ ខែកញ្ញា ឆ្នាំ២០១៨។

នេះជាជំនួបលើកទី៣ រវាងលោក មូន និងលោក គីម ដោយគិតចាប់តាំងពីជំនួបកំពូលរវាងមេដឹកនាំទាំងពីរ កាលពីខែមេសា ឆ្នាំ២០១៨កន្លងទៅ៕

អត្ថបទទាក់ទង

ប្រភព៖ BBC ប្រែសម្រួល៖ លាភ.