ក្រុងប៉េកាំង ដាក់ទណ្ឌកម្មទៅលើទំនិញអាមេរិក ៦០ពាន់លានដុល្លារ

2018-09-19 06:55:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុងប៉េកាំង កាលពីថ្ងៃទី១៨ ខែកញ្ញា បានសម្រេចដាក់ទណ្ឌកម្មក្រុងវ៉ាស៊ីនតោន ដោយយកពន្ធលើទំនិញដែលនាំចូលពីអាមេរិកចំនួន ៦០ពាន់លានដុល្លារ។ ការសម្រេចនេះ ត្រូវបានធ្វើឡើងបន្ទាប់ពីអាមេរិក បានដាក់ចេញយន្តការយកពន្ធលើទំនិញដែលនាំចូលពីចិន ចំនួន ២០០ពាន់លានដុល្លារ កាលពីថ្ងៃទី១៧ ខែកញ្ញា ឆ្នាំ២០១៨។

រថយន្តកុងតឺន័រ បើកចេញពីកំពង់ផែទឹកជ្រៅ Yangshan នៅក្រុងសៀងហៃ កាលពីថ្ងៃទី២៤ ខែមេសា ឆ្នាំ២០១៨ (រូបថត៖ Reuters)

ក្នុងសេចក្ដីថ្លែងការណ៍មួយរបស់ក្រសួងហិរញ្ញវត្ថុចិន បានឲ្យដឹងថា ចិនគ្មានជម្រើសនោះទេ គឺមានតែយកពន្ធលើទំនិញអាមេរិកវិញ។ ទំនិញនាំចូលពីអាមេរិកជាង ៥ពាន់ប្រភេទ នឹងត្រូវយកពន្ធចាប់ពី ៥% ទៅ ១០% ។

ការសម្រេចនេះ នឹងត្រូវអនុវត្តចាប់ពីថ្ងៃទី២៤ ខែកញ្ញា ឆ្នាំ២០១៨ ពោលគឺដូចគ្នានឹងកាលបរិច្ឆេទដែលអាមេរិក សម្រេចយកពន្ធលើទំនិញចិន ២០០ពាន់លានដុល្លារ។

លោកប្រធានាធិបតីអាមេរិក ដូណាល់ ត្រាំ បានគំរាមថា ប្រសិនបើចិនចាត់វិធានការប្រឆាំងនឹងកសិករ ឬឧស្សាហកម្មអាមេរិក លោកនឹងយកពន្ធលើទំនិញចិន ២៦៧ពាន់លានដុល្លារបន្ថែមទៀត៕

អត្ថបទទាក់ទង អាមេរិក យកពន្ធលើទំនិញចិន ២០០ពាន់លានដុល្លារ

ប្រភព៖ Reuters ប្រែសម្រួល៖ លាភ.