Beckham ចូលរួមពិធីបង្ហាញរថយន្តលើកដំបូងរបស់វៀតណាម

2018-10-02 09:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតតារាបាល់ទាត់ល្បី David Beckham បានបង្ហាញវត្តមានក្នុងពិធីប្រកាសបង្ហាញជាផ្លូវការនូវ រថយន្តផលិតក្នុងស្រុកលើកដំបូងរបស់វៀតណាម ក្នុងពិព័រណ៍យានយន្តនៅក្រុងប៉ារីស ប្រទេសបារាំង នាថ្ងៃទី២ ខែតុលា ឆ្នាំ២០១៨នេះ។

រថយន្តដែលត្រូវបានបង្ហាញ មានចំនួន ២ម៉ូដែល គឺ LUX A2.0 (ប្រភេទ sedan ទ្វារ៤) និង LUX SA2.0 (ប្រភេទ SUV)។

Beckham ទស្សនារថយន្តរបស់វៀតណាម (រូបថត៖ កាត់ពីវីដេអូ)

Beckham បាននិយាយថា រថយន្តនេះមានភាពទាន់សម័យ ហើយវាជារឿងដ៏អស្ចារ្យសម្រាប់វៀតណាម ដែលផលិតរថយន្តជាលើកដំបូងនេះឡើង។

ក្រុមហ៊ុន Vinfast ដែលបានផលិតរថយន្តទាំងពីរម៉ូដែល បានអះអាងដែរថា គោលបំណងនៃការនាំយករថយន្តរបស់ក្រុមហ៊ុន Vinfast មកកាន់ពិព័រណ៍អន្តរជាតិនេះ គឺដើម្បីផ្សព្វផ្សាយម៉ាកយីហោរបស់ខ្លួន ទៅកាន់ពិភពលោកទាំងមូល។

ក្រុមហ៊ុនក៏បានអះអាងថា រថយន្តនេះ នឹងមានតម្លៃសមរម្យ ដើម្បីលក់ជូនប្រជាជនវៀតណាម។ ក្រុមហ៊ុនដដែល គ្រោងបញ្ចេញលក់រថយន្តទាំងនេះ នៅត្រីមាសទី៣ ឆ្នាំ២០១៩ខាងមុខ៕