លើកទី១ ក្នុងរយៈពេលជាង ១០ឆ្នាំ ដែល Real ស៊ុតមិនចូលសូម្បី១គ្រាប់ ក្នុង ៣ប្រកួតជាប់គ្នា

2018-10-03 03:02:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពីចាញ់ក្រុម Sevilla ៣-០ និងស្មើ Atletico Madrid ០-០ នៅ La Liga ក្រុមយក្សអេស្ប៉ាញ Real Madrid នៅមិនទាន់អាចស្ដារមុខមាត់បានវិញនោះទេ ដោយចាញ់ក្រុមរុស្ស៊ី ១-០ ក្នុងពូល G នៃ UEFA Champions League កាលពីយប់មិញ។

នេះជាលើកទី១ ហើយ គិតចាប់តាំងពីរដូវកាល ២០០៦-២០០៧ ដែល Real មិនអាចស៊ុតបញ្ចូលទីគូប្រកួត ដល់ទៅ ៣ប្រកួតជាប់គ្នាបែបនេះ។

Karim Benzema ព្យាយាមស៊ុតសំដៅទីក្រុម CSKA កាលពីយប់មិញ។ ខ្សែប្រយុទ្ធបារាំងរូបនេះ ខកខានស៊ុតបញ្ចូលទីជាច្រើនប្រកួតមកហើយ (រូបភាពផ្ដល់សិទ្ធិដោយ Reuters)

កាលពីរដូវកាល ២០០៦-២០០៧ ជំនាន់លោក Fabio Capello ដឹកនាំ Real បានបង្កើតកំណត់ត្រាដ៏អាក្រក់នេះ ដោយចាញ់ក្រុម Recreativo Huelva ៣-០ ចាញ់ Deportivo ២-០ និងស្មើ Real Betis ០-០។ ចាប់តាំងពីពេលនោះមក ពោលគឺរយៈពេលជាង ១០ឆ្នាំ Real មិនធ្លាប់ជួបកំណត់ត្រានេះម្ដងទៀតទេ។

បើនិយាយតែនៅ Champions League វិញ នេះជាប្រកួតដំបូងហើយ ក្នុង ២៩ប្រកួតចុងក្រោយ ដែល Real Madrid មិនអាចបំប៉ោងសំណាញ់ទីគូប្រកួតបាន ពោលគឺចាប់តាំងពីស្មើ ០-០ ទល់នឹងក្រុម Manchester City កាលពីខែមេសា ឆ្នាំ២០១៦។

Nikola Vlasic ស៊ុតបញ្ចូលទី ទោះមានការរារាំងពី Raphael Varane (រូបភាពផ្ដល់សិទ្ធិដោយ Reuters)

ប្រកួតបន្ទាប់ Real Madrid នឹងត្រូវប៉ះក្រុម Alaves នៅ La Liga នាថ្ងៃទី៦ តុលា ចុងសប្ដាហ៍នេះ។ តើលោក Julen Lopetegui អាចកែខៃតំបន់ប្រយុទ្ធ ឲ្យប្រសើរបានដែរឬទេ?

សូមទស្សនាវីដេអូហាយឡាយ នៃការប្រកួតរវាង CSKA និង Real Madrid ដូចខាងក្រោម៖