ព្យុះ "កង្រី" កំពុងបក់បោកឆ្ពោះទៅកាន់ប្រទេសជប៉ុន

2018-10-03 07:16:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមមជ្ឈមណ្ឌលប្រកាសអាសន្ននៃព្យុះទីហ្វុងនៅកោះហាវៃ បានព្យាករថា ព្យុះទីហ្វុង "កង្រី (Kong-rey)" កំពុងធ្វើដំណើរទៅកាន់ប្រទេសជប៉ុន។ សេចក្ដីប្រកាសនេះ ត្រូវបានធ្វើឡើងបន្ទាប់ពីមនុស្ស ៤នាក់នៅប្រទេសជប៉ុន បានស្លាប់ដោយសារព្យុះ Trami ដែលបានបោកបក់ កាលពីសប្ដាហ៍មុន។

ព្យុះ Trami បានបោកបក់ទៅលើប្រទេសជប៉ុន កាលពីសប្ដាហ៍មុន (រូបថត៖ express.co.uk)

មជ្ឈមណ្ឌលប្រកាសអាសន្ននេះបានឲ្យដឹងទៀតថា ព្យុះកង្រី កំពុងបក់បោកក្នុងល្បឿន ៣១៥គីឡូម៉ែត្រក្នុងមួយម៉ោង។ ហើយព្យុះនេះ ត្រូវបានដាក់ឲ្យស្ថិតក្នុងកម្រិតទី ៥ ដែលជាកម្រិតខ្លាំងមួយ។

ព្យុះកង្រី អាចឆ្លងកាត់ភាគខាងកើតប្រទេសចិន នៅថ្ងៃសុក្រខាងមុខនេះ ដែលអាចបង្កជាភ្លៀងធ្លាក់នៅក្រុងសៀងហៃ រួចវានឹងបន្តក្នុងល្បឿន ១៥០គីឡូម៉ែត្រក្នុងម៉ោង មុននឹងបន្តឆ្ពោះទៅកាន់ក្រុង Busan ប្រទេសកូរ៉េខាងត្បូង នៅចុងសប្ដាហ៍ ក្នុងល្បឿន ១៤០គីឡូម៉ែត្រក្នុងមួយម៉ោង ដែលអាចបង្កជាការបាក់ដីផងដែរ។

តំបន់ភ្នំ Kyushu និងភាគខាងត្បូងនៃកោះ Honshu ប្រទេសជប៉ុន នឹងទទួលរងទឹកភ្លៀងកម្រិតខ្ពស់ ពីឥទ្ធិពលព្យុះកង្រីនេះ៕

ប្រភព៖ Aljazeera ប្រែសម្រួល៖ លាភ.