ឧប្បត្តិហេតុ និងឧបទ្ទវហេតុយន្តហោះខុសគ្នាដូចម្ដេច?

2018-10-17 13:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយករងបច្ចេកទេស នៃរដ្ឋលេខាធិការដ្ឋានអាកាសចរណ៍ស៊ីវិលបានឲ្យដឹងថា គ្រោះថ្នាក់យន្តហោះត្រូវបានចែកជា ២ប្រភេទគឺ៖ ឧប្បត្តិហេតុ (Incident) ជាគ្រោះថ្នាក់ស្រាលៗ ដូចជា ការបែកកង់យន្តហោះ ការរំកិលរបស់យន្តហោះមួយទៅប៉ះយន្តហោះមួយទៀត ការលេចប្រេង ជាដើម និង ឧបទ្ទវហេតុ (Accident) គឺជាគ្រោះថ្នាក់បណ្ដាលឲ្យបាត់បង់ជីវិតមនុស្ស ខូចខាតទ្រព្យសម្បត្តិ និងខូចខាតយន្តហោះ។ ចំណែកការបាត់យន្តហោះ ក៏ត្រូវបានចាត់ទុកជាឧបទ្ទវហេតុផងដែរ។

(រូបថត៖ គណនីហ្វេសប៊ុកផ្លូវការរបស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន)

លោក ស៊ី ចាន់ សិរីវុត្ថា អគ្គនាយករងបច្ចេកទេស នៃរដ្ឋលេខាធិការដ្ឋានអាកាសចរណ៍ស៊ីវិល បានប្រាប់ឲ្យដឹងដូច្នេះ ក្នុងកម្មវិធីកម្ពុជារាត្រីនេះ នៃស្ថានីយទូរទស្សន៍ BTV News កាលពីពេលថ្មីៗកន្លងទៅនេះ។

ការឲ្យដឹងនេះដែរ គឺលោក ស៊ី ចាន់ សិរីវុត្ថា បានបញ្ជាក់ថា កម្ពុជានឹងរៀបចំសមយុទ្ធសង្គ្រោះយន្តហោះនៅព្រលានយន្តហោះអន្តរជាតិខេត្តព្រះសីហនុ នៅខែវិច្ឆិកា ឆ្នាំ២០១៨ខាងមុខនេះ ដោយការសហការរវាងរដ្ឋលេខាធិការដ្ឋានអាកាសចរណ៍ស៊ីវិល នឹងសហការជាមួយអាជ្ញាធរខេត្តព្រះសីហនុ។

សូមជម្រាបថា នេះជាលំហាត់សមយុទ្ធទ្រង់ទ្រាយធំលើកទី២ ដោយលើកទី១ត្រូវបានធ្វើឡើងកាលពីឆ្នាំ២០១៧ នៅព្រលានយន្តហោះអន្តរជាតិខេត្តសៀមរាប៕

អត្ថបទទាក់ទង សមយុទ្ធសង្គ្រោះយន្តហោះជួបឧបទ្ទវហេតុ គ្រោងធ្វើនៅខេត្តព្រះសីហនុ

អត្ថបទ៖ លាភ.