១២ ចំណុច ដើម្បីធ្វើឲ្យរថយន្តស៊ីប្រេងតិច

2018-11-05 09:09:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បច្ចុប្បន្នតម្លៃប្រេងនៅតែឡើងចុះៗគ្មានថ្ងៃឋិតថេរ ដែលជាកត្តាមួយធ្វើឲ្យអ្នកប្រើប្រាស់យានជំនិះព្រួយបារម្ភ។ ខាងក្រោមនេះ ជា ១២ ចំណុច ធ្វើឲ្យរថយន្តស៊ីប្រេងតិច មកបង្ហាញជូនដូចខាងក្រោម៖

១. ពិនិត្យសម្ពាធខ្យល់កង់

កង់ធូរធ្វើឲ្យរថយន្តស៊ីប្រេងច្រើន ដូច្នេះត្រូវត្រួតពិនិត្យខ្យល់កង់រថយន្ត ឲ្យបានយ៉ាងហោចណាស់ ម្ដងក្នុងមួយខែ ព្រោះវាអាចកាត់បន្ថយអត្រាស៊ីប្រេងបាន ៥%។

២. ប្រើប្រព័ន្ធគ្រប់គ្រងល្បឿន

ពេលបើកបរ បើសិនជាអាច ចូរប្រើប្រព័ន្ធគ្រប់គ្រងល្បឿន Cruise Control ឬ Speed Control ព្រោះប្រព័ន្ធនេះអាចជួយសន្សំសំចៃប្រេងបាន ៦%។

៣. ពិនិត្យក្បាលអាគុយ

ចូរឧស្សាហ៍ពិនិត្យអាគុយរថយន្ត។ បើក្បាលអាគុយមានច្រែះ ត្រូវជូតសម្អាតឲ្យបានស្អាត ព្រោះវាធ្វើឲ្យម៉ាស៊ីនភ្លើងធ្វើការខ្លាំង និងស៊ីប្រេងច្រើន។

៤. កុំឈប់រថយន្តយូរពេក (ច្រើនជាង១នាទី)

ត្រង់ចំណុចនេះមានន័យថា ពេលកំពុងបើកបរហើយឈប់រថយន្តនោះ គឺមិនគួរឈប់ឲ្យច្រើនជាង១នាទីទេ ព្រោះរថយន្តនឹងស៊ីប្រេង កន្លះហ្គាឡុងទៅ១ហ្គាឡុង ( ១ហ្គាឡុងជាង៣លីត្រ ) ក្នុង១ម៉ោង តែបើរថយន្តស៊េរីទំនើបអាចស៊ីតិចជាងនេះ។

៥. ប្ដូរតម្រងខ្យល់ឲ្យបានញឹកញាប់

បើរថយន្តបើកបរលើផ្លូវសំបូរដោយធូលីដី ម្ចាស់រថយន្តត្រូវប្ដូរតម្រងខ្យល់ឲ្យបានញឹកញាប់បន្តិច។

៦. ឧស្សាហ៍ត្រួតពិនិត្យម៉ាស៊ីន និងគ្រឿងក្រោម

ម៉ាស៊ីនជាផ្នែកសំខាន់នៃរថយន្ត ហើយបើម៉ាស៊ីនមានបញ្ហា ត្រង់ចំណុចណាមួយ ដូចជា Sensor អុកស៊ីហ្សែន ប៊ូស៊ី និងតម្រងខ្យល់ តម្រងប្រេងទៀតសោត នឹងធ្វើឲ្យរថយន្តស៊ីប្រេងច្រើន ម្ល៉ោះហើយអ្នកបើកបរ គួរយករថយន្តទៅពិនិត្យនៅយានដ្ឋាន។ ចំណែកគ្រឿងក្រោមក៏អ៊ីចឹងដែរ ត្រូវពិនិត្យឲ្យទៀងទាត់ ក្រែងមានបញ្ហាត្រង់ផ្នែកណាមួយ។

៧. បើករថយន្តក្នុងល្បឿននៅលេខខ្ពស់

រថយន្តមានចំនួនលេខខុសគ្នា ខ្លះមាន៥លេខ ខ្លះមាន៦លេខ ដូច្នេះលេខទី៥ និងទី៦នេះ ជាលេខខ្ពស់។ ឧទាហរណ៍ បើបើកក្នុងល្បឿនលឿន៦០គីឡូម៉ែត្រក្នុងមួយម៉ោងលើផ្លូវហាយវេ នៅត្រឹមលេខ៣ រថយន្តនឹងស៊ីប្រេង២៥% ច្រើនជាងលេខ៥ឬលេខ៦។

៨. មិនត្រូវបើករថយន្តច្រងាប់ច្រងិល

បើកលឿន ហើយបន្ថយល្បឿនលឿន រថយន្តនឹងស៊ីប្រេងច្រើន។ បើបើករថយន្តតាមលក្ខណៈធម្មតា (Drive smoothly) មិនជាន់ហ្វ្រាំង ឬហ្គែរខ្លាំងៗ នឹងកាត់បន្ថយអត្រាស៊ីប្រេងបានច្រើន។ តាមការស្រាវជ្រាវបង្ហាញថា ការបើកដោយប្រើតិចនិកល្អ ធ្វើឲ្យរថយន្តសន្សំប្រេងបាន ៣០%។

៩. មិនត្រូវផ្ទុកទម្ងន់ធ្ងន់ពេក

ចំណុចទី៩នេះ បើមិនចង់ឲ្យរថយន្តស៊ីប្រេងច្រើន សូមកុំផ្ទុកទម្ងន់លើរថយន្តធ្ងន់ពេក។ ទម្ងន់ស្រាល រថយន្តបញ្ចេញឧស្ម័នកាបូនិក និងស៊ីប្រេងតិច។

១០. ជ្រើសប្រេងឱ្យត្រូវរថយន្ត ចូរជ្រើសប្រេងសាំងគុណភាពល្អ ឱ្យត្រូវនឹងរថយន្តដែលកំពុងប្រើប្រាស់។

១១. កុំជាន់ហ្វ្រាំងពេកពេលបើក

អ្នកបើកបរមួយចំនួន មិនចោលទម្លាប់ជាន់ហ្វ្រាំងរថយន្ត ពេលបើកបរឡើយ។ ទម្លាប់អាក្រក់នេះ ធ្វើឲ្យម៉ាស៊ីនរត់តឹង ឆាប់ធ្លាក់ និងស៊ីប្រេងច្រើន។

១២. ជៀសវាងបើកលើផ្លូវពិបាក

ដើម្បីឲ្យរថយន្តសន្សំសំចៃប្រេងបាន ៣០% អ្នកបើកបរមិនគួរបើកលើផ្លូវមានក្រួស ភក់ ឬផ្លូវពិបាកផ្សេងៗទៀតឡើយ៕

ប្រភព៖ Sabay News ប្រែសម្រួល៖ អ៊ុំ សុភក្តិ