សម្តេច ហ៊ុន សែន ចេញទៅបំពេញទស្សនកិច្ចផ្លូវការនៅប្រទេសឡាវ នាព្រឹកនេះ
- 2018-12-05 01:58:09
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ចេញទៅបំពេញទស្សនកិច្ចផ្លូវការនៅប្រទេសឡាវ នាព្រឹកនេះ
ចន្លោះមិនឃើញ
សម្ដេច ហ៊ុន សែន នាយករដ្ឋមន្រ្តីកម្ពុជា នៅព្រឹកថ្ងៃទី៥ ខែធ្នូ ឆ្នាំ២០១៨ នេះ បានដឹកនាំគណៈប្រតិភូជាន់ខ្ពស់កម្ពុជា ទៅបំពេញទស្សនកិច្ចផ្លូវការនៅសាធារណរដ្ឋប្រជាធិបតេយ្យ ប្រជាមានិតឡាវ ចាប់ពីថ្ងៃទី៥ ដល់ ៦ ខែធ្នូ ២០១៨។ នេះបើតាមហ្វេសប៊ុកផេកសម្ដេច ហ៊ុន សែន។
សម្តេចនាយករដ្ឋមន្រ្តីក៏នឹងជួបពិភាក្សាទ្វេភាគីជាមួយ លោក ថងលូន ស៊ីសូលីត (Thongloun Sisoulith) ដើម្បីពិភាក្សារិះរកលទ្ធភាពក្នុងការពង្រឹង និងពង្រីកបន្ថែមទៀតនូវកិច្ចសហប្រតិបត្តិការទ្វេភាគីដែលមានស្រាប់ ដើម្បីនាំមកនូវផលប្រយោជន៍ពិតប្រាកដសម្រាប់ប្រជាជននៃប្រទេសទាំងពីរ ក៏ដូចជាផ្លាស់ប្តូរយោបល់លើបញ្ហាតំបន់ និងអន្តរជាតិ ដែលជាកង្វល់រួម និងផលប្រយោជន៍ទៅវិញទៅមកផងដែរ។
នៅក្នុងអំឡុងពេលស្នាក់នៅទីក្រុងវៀងច័ន្ទ ប្រទេសឡាវនោះ សម្តេចនាយករដ្ឋមន្រ្តី ក៏នឹងអញ្ជើញដាក់កម្រងផ្កា នៅស្តូបអនុស្សាវរីយ៍វីរៈយុទ្ធជនពលីផងដែរ៕