ជប៉ុន គ្រោងដាក់បម្រាមលើក្រុមហ៊ុន Huawei និង ZTE មិនឲ្យមានកិច្ចសន្យាជាមួយរដ្ឋាភិបាល

2018-12-07 08:09:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសជប៉ុនគ្រោងហាមការបញ្ជាទិញរបស់រដ្ឋាភិបាលនូវឧបករណ៍នានាពីក្រុមហ៊ុនបច្ចេកវិទ្យាចិន Huawei និង ZTE ដើម្បីបង្កើនការការពាររបស់ខ្លួនប្រឆាំងនឹងការបែកធ្លាយការណ៍សម្ងាត់ និងការវាយប្រហារតាមប្រព័ន្ធអ៊ីនធឺណិត។ នេះបើតាមសារព័ត៌មាន Reuters។

រូបភាព៖ Reuters

កាសែត Yomiuri បានរាយការណ៍នៅថ្ងៃទី៧ ខែវិច្ឆិកា ២០១៨នេះថា រដ្ឋាភិបាលជប៉ុនរំពឹងថា នឹងសើរើច្បាប់ក្នុងប្រទេសរបស់ខ្លួនលើការដឹកជញ្ជូន នៅដើមសប្ដាហ៍ក្រោយ។ រដ្ឋាភិបាលមិនមែនគ្រោងសើរើច្បាប់លើតែក្រុមហ៊ុនចិន Huawei និង ZTE ប៉ុណ្ណោះទេ ប៉ុន្ដែនឹងដាក់ឲ្យអនុវត្តនូវយន្តការនានា ក្នុងគោលបំណងពង្រឹងសន្ដិសុខ ដែលនឹងតម្រូវលើក្រុមហ៊ុននានា។

ការវិវឌ្ឍនេះ គឺក្រោយការសម្រេចរបស់អាមេរិកនៅឆ្នាំ២០១៨នេះ ដែលហាមរដ្ឋាភិបាលមិនឲ្យទិញឧបករណ៍របស់ក្រុមហ៊ុន Huawei។ ភ្នាក់ងារសម្ងាត់អាមេរិកបានចោទក្រុមហ៊ុន Huawei ថា មានការពាក់ព័ន្ធនឹងរដ្ឋាភិបាលចិន ហើយឧបករណ៍របស់ក្រុមហ៊ុននេះអាចមានផ្ទុកឧបករណ៍សម្រាប់ស៊ើបការណ៍ ទោះបីជាគ្មានភស្ដុតាងបង្ហាញជាសាធារណៈក៏ដោយ៕

ប្រភព៖ Channelnewsasia ប្រែសម្រួល៖ វាសនា