កាណាដា ព្រមានអាមេរិកកុំធ្វើនយោបាយលើករណីបត្យាប័នកូនស្រីរបស់មេ Huawei

2018-12-13 03:35:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Chrystia Freeland រដ្ឋមន្រ្តីក្រសួងការបរទេសកាណាដា កាលពីថ្ងៃទី១២ ខែធ្នូ ឆ្នាំ២០១៨ ម្សិលមិញ បានព្រមានអាមេរិក កុំធ្វើនយោបាយលើករណីបត្យាប័ន។ ការព្រមាននេះ គឺមួយថ្ងៃប៉ុណ្ណោះក្រោយលោកប្រធានាធិបតីអាមេរិក ដូណាល់ ត្រាំ បានថ្លែងថា លោកអាចអន្តរាគមលើករណីការចាប់ឃុំខ្លួនប្រធានហិរញ្ញវត្ថុក្រុមហ៊ុន Huawei នៅក្នុងប្រទេសកាណាដា ដោយសំណើរបស់ក្រុងវ៉ាស៊ីនតោន។

លោកស្រី Chrystia Freeland រដ្ឋមន្រ្តីក្រសួងការបរទេសកាណាដា/ រូបភាព៖ Reuters

លោកស្រីរដ្ឋមន្រ្តីបានប្រាប់អ្នកសារព័ត៌មានថា ជនជាតិកាណដាទី២ អាចមានបញ្ហានៅក្នុងប្រទេសចិន។

ការបញ្ជាក់របស់លោកស្រីរដ្ឋមន្រ្តីការបរទេសកាណាដា គឺក្រោយអាជ្ញាធរចិនបានចាប់ខ្លួនលោក Michael Kovrig អតីតមន្រ្តីទូតកាណាដា កាលពីដើមសប្ដាហ៍នេះ។ ចំពោះករណីនេះ លោកស្រីរដ្ឋមន្រ្តីការបរទេសកាណាដាបានបង្ហាញការព្រួយបារម្ភ ហើយលោកស្រីបន្ថែមថា ជនជនកាណាដាទី២ ដែលមិនបញ្ជាក់អត្ដសញ្ញាណ បានទាក់ទងទៅអាជ្ញាធរកាណាដាដោយបញ្ជាក់ថា អាជ្ញាធរចិនបានធ្វើការសាកសួរលើរូបគេ។

លោកស្រីបន្ថែមថា អាជ្ញាធរកាណាដាមិនអាចធ្វើការទាក់ទងជនជាតិកាណាដារូបនោះបានទេ រហូតមកពេលនេះ៕

អត្ថបទទាក់ទង៖ ត្រាំ ធ្វើអន្តរាគមន៍រឿង Huawei ក្រោមហេតុផលមួយ

ប្រភព៖ Straits Times ប្រែសម្រួល៖ វាសនា