សម្ដេច ហ៊ុន សែន ទម្លាយពីការចុះតម្លៃប្រើប្រាស់អគ្គិសនីតាមលំនៅឋាន

2018-12-17 02:56:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងពិធីសម្ភោធដាក់ឲ្យប្រើប្រាស់ជាផ្លូវការវារីអគ្គិសនីសេសានក្រោម២ នៅខេត្តស្ទឹងត្រែង នៅព្រឹកថ្ងៃទី១៧ ខែធ្នូ ឆ្នាំ២០១៨នេះ សម្ដេច ហ៊ុន សែន នាយករដ្ឋមន្រ្តីកម្ពុជា បានបញ្ជាក់ពីការចុះថ្លៃប្រើប្រាស់អគ្គិសនីតាមលំនៅឋានរបស់ប្រជាជន។

សម្ដេច ហ៊ុន សែន ថ្លែងក្នុងពិធីមួយ នាពេលកន្លងមក

សម្រាប់ការប្រើប្រាស់អគ្គិសនីតាមលំនៅឋាន សម្ដេច ហ៊ុន សែន បានបញ្ជាក់យ៉ាងដូច្នេះ៖

ការប្រើប្រាស់ពី ១-១០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៦១០រៀល (ភ្នំពេញ) និង ៤៨០រៀល (ខេត្ត) នៅឆ្នាំ២០១៨ ទៅ ៣៨០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ១១-៥០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៦១០រៀលនៅឆ្នាំ២០១៨ ទៅ ៤៨០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ៥១-២០០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៧២០រៀល (ភ្នំពេញ) និង ៧៧០រៀល (ខេត្ត) នៅឆ្នាំ២០១៨ ទៅ ៦១០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ២០០គីឡូវ៉ាត់ឡើងទៅក្នុងមួយខែ តម្លៃអគ្គិសនីនឹងត្រូវចុះពី ៧៥០រៀល (ភ្នំពេញ) ៧៧០រៀល (ខេត្ត) នៅឆ្នាំ២០១៨ ទៅ ៧៤០រៀលនៅឆ្នាំ២០១៩ និង ៧៣០រៀលនៅឆ្នាំ២០២០៕

អត្ថបទ៖ វាសនា