មហាធៀ៖ អូស្រ្ដាលីគ្មានសិទ្ធិទទួលស្គាល់ Jerusalem ជារដ្ឋធានីរបស់អ៊ីស្រាអែលទេ

2018-12-17 08:11:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក មហាធៀ មហាម៉ាត់ នាយករដ្ឋមន្រ្តីម៉ាឡេស៊ី កាលពីថ្ងៃទី១៦ ខែធ្នូ ឆ្នាំ២០១៨ ម្សិលមិញ បានរិះគន់ការវិវឌ្ឍរបស់អូស្រ្ដាលីទទួលស្គាល់ទីក្រុង Jerusalem ជាទីរដ្ឋធានីរបស់អ៊ីស្រាអែល។ លោកថា ប្រទេសនានាគ្មានសិទ្ធិធ្វើដូច្នេះឡើយ។

លោក មហាធៀ មហាម៉ាត់ នាយករដ្ឋមន្រ្តីម៉ាឡេស៊ី ថ្លែងនៅក្នុងសាកលវិទ្យាល័យ Chulalongkorn ប្រទេសថៃ/ រូបភាព៖ Reuters

ប្រមុខរដ្ឋាភិបាលម៉ាឡេស៊ីបានប្រាប់សារព័ត៌មាន Reuters ថា "ទីក្រុង Jerusalem គួរស្ថិតនៅដូចនាពេលបច្ចុប្បន្ន និងមិនមែនជារដ្ឋធានីរបស់អ៊ីស្រាអែលទេ"។ លោកបន្ដថា "Jerusalem តែងតែនៅក្រោមប៉ាឡេស្ទីន ដូច្នេះហេតុអ្វីពួកគេយកគំនិតផ្ដួចផ្ដើម ដើម្បីបែកចែកក្រុង Jerusalem ដែលមិនមែនរបស់ពួកគេ ប៉ុន្ដែតើដើម្បីបែងចែករវាងជនជាតិអ៉ារ៉ាប់ និងជនជាតិជ្វីស? ពួកគេគ្មានសិទ្ធីទេ"។

សម្រាប់ប្រទេសម៉ាឡេស៊ី ជាយូរមកហើយ បានគាំទ្រដំណោះស្រាយមួយដោយរដ្ឋពីរ ក្នុងជម្លោះរវាងអ៊ីស្រាអែល និងប៉ាឡេស្ទីន។

សូមបញ្ជាក់ថា ការវិវឌ្ឍរបស់អ៊ីស្រាអែលដូច្នេះ គឺក្រោយប្រធានាធិបតីអាមេរិក ដូណាល់ ត្រាំ បានសម្រេចប្ដូរទីតាំងស្ថានទូតអាមេរិកពីទីក្រុង Tel Aviv ទៅទីក្រុង Jerusalem កាលពីខែឧសភា ឆ្នាំ២០១៨ កន្លងទៅ៕

ប្រភព៖ Channelnewsasia ប្រែសម្រួល៖ វាសនា