១០សន្លឹក បង្ហាញពីទិដ្ឋភាពសម្ពោធវិមានឈ្នះ ឈ្នះ

2018-12-29 08:40:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វិមានអនុស្សាវរីយ៍ «នយោបាយ ឈ្នះ ឈ្នះ» ត្រូវបានសម្ពោធជាផ្លូវការហើយ នាព្រឹកថ្ងៃទី២៩ ខែធ្នូ ឆ្នាំ២០១៨ នេះ ក្រោមអធិបតីភាពសម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ពិធីនេះ មានការចូលរួមពីថ្នាក់ដឹកនាំជាន់ខ្ពស់នៃរាជរដ្ឋាភិបាល ភ្ញៀវជាតិ អន្តរជាតិ មន្ត្រីរាជការ កងកម្លាំងប្រដាប់អាវុធ អ្នកសិល្បៈ សិស្សនិស្សិត និងប្រជាពលរដ្ឋរាប់ពាន់នាក់។

ការប្រារព្ធពិធីសម្ពោធវិមាននយោបាយ ឈ្នះ ឈ្នះ និងការអបអរសាទរខួប២០ឆ្នាំនៃការបិទបញ្ចប់ភ្លើងសង្គ្រាមនេះ នឹងធ្វើបន្តរហូតដល់ថ្ងៃ៣១ ខែធ្នូដែលជាថ្ងៃឆ្លងឆ្នាំសកល២០១៨ ចូល ២០១៩ ដោយពេលរាត្រីនឹងមានការបាញ់កាំជ្រួច និងការប្រគំតន្ត្រីសម្រាប់ជាការកម្សាន្តរបស់ប្រជាពលរដ្ឋ។ បន្ថែមពីលើនោះក៏នៅមានព្រឹត្តិការណ៍ផ្សេងៗជាច្រើនទៀត រួមជាការតាំងពិព័រណ៍ផលិតផលជាច្រើនផងដែរ។

សូមបញ្ជាក់ថា វិមានឈ្នះឈ្នះ បានសាងសង់កាលពីខែកុម្ភៈ ឆ្នាំ២០១៦ នៅលើផ្ទៃដី៨ហិកតា ស្ថិតក្នុងតំបន់អភិវឌ្ឍន៍ឧកញ៉ា លី យ៉ុងផាត់ នៅសង្កាត់បាក់ខែង ខណ្ឌជ្រោយចង្វា រាជធានីភ្នំពេញ៕

សូមទស្សនាទិដ្ឋភាពនៃពិធីសម្ពោធវិមានឈ្នះឈ្នះ ដែលថតដោយអ្នកថតរូប [ខ្លីៗ] គឺលោក ស៊ីវ ចាន់ណា ដូចខាងក្រោម៖