ត្រឹមចុងឆ្នាំ២០១៨ សេវាទូរសព្ទចល័តនៅកម្ពុជា មានជាង ១៩លានស៊ីមកាត
- 2019-01-08 06:57:21
- ចំនួនមតិ 0 | ចំនួនចែករំលែក 0
ត្រឹមចុងឆ្នាំ២០១៨ សេវាទូរសព្ទចល័តនៅកម្ពុជា មានជាង ១៩លានស៊ីមកាត
ចន្លោះមិនឃើញ
យោងតាមរបាយការណ៍របស់និយ័តករទូរគមនាគមន៍កម្ពុជា ហៅកាត់ TRC បានឲ្យដឹងថា គិតត្រឹមខែវិច្ឆិកា ឆ្នាំ២០១៨ ស្ថិតិសេវាទូរសព្ទចល័ត (ប្រតិបត្តិករចំនួន ៦) មានចំនួនជាង ១៩លានស៊ីមកាត (១៩ ៣០១ ៥០២) ត្រូវនឹង ១២០,១១% មានកំណើន ៣,៧៨% បើធៀបនឹងតួលេខក្នុងខែវិច្ឆិកា ឆ្នាំ២០១៧ ដែលមានត្រឹមតែ ១៨ ៥៩៧ ៧៤៣ ស៊ីមកាត។
របាយការណ៍ដដែលបន្តថា សេវាទូរសព្ទអចល័ត (ប្រតិបត្តិករចំនួន ៧) មានចំនួន ៩១៣៣១ នាក់ ត្រូវនឹង ០,៥៧% ថយចុះ ២៧,៤៦% បើធៀបនឹងតួលេខក្នុងខែវិច្ឆិកា ឆ្នាំ២០១៧ ដែលមានរហូតដល់ ១២៥៩០៨ នាក់។
ចំពោះសេវាអ៊ីនធឺណិតចល័ត (ប្រតិបត្តិករចំនួន ៧) មានចំនួន ១២ ៩៧៤ ៣១៩ ស៊ីមកាត ត្រូវនឹង ៨០,៧៤% បើធៀបនឹងតួលេខក្នុងខែវិច្ឆិកា ឆ្នាំ២០១៧ ដែលមានកំណើន ២២,៧៩% ដែលមានត្រឹមតែ ១០ ៥៦៥ ៨៧៥ ស៊ីមកាត។
ចំណែកសេវាអ៊ីនធឺណិតអចល័ត (ប្រតិបត្តិករចំនួន ៣៤) មានចំនួន ១៤៧៥៩៦ នាក់ ត្រូវនឹង ០,៩២% បើធៀបនឹងតួលេខក្នុងខែវិច្ឆិកា ឆ្នាំ២០១៧ ដែលមានកំណើន ៩,១៦% ដែលមានត្រឹមតែ ១៣៥២០៦ នាក់៕